Сумрак іе меджувременем, гды Слонце іе под виднокрѫгом, але мало свѣтли небо. Сумрак іествуіе хвала атмосферѣ, в ктороі свѣт чѧстично сѧ разсѣиваіе и освѣщаіе нашу планету аж гды Слонцо не іе видным.
Сѫті три вида сумрака - граджанскы, мореплавскы и звѣздарскы, ктори настаіѫт дослѣдно. Вид сумрака зависи од положеніа средины Слонца под виднокрѫгом: граджанскы (0–6°), мореплавскы (6–12°) и звѣздарскы (12–18°). Когда Слонце опусти ниже 18°, то іе ночі.
Граджанскы сумрак іе наі-свѣтла фаза, кторы сѧ случаіе разом пред возходом или послѣ захода Слонца - обычаіно имѫт на мысли ово времѧ, гда нѣкто каже о сумракѣ. В сеі час чъртка виднокрѫга іе добро видимоі, небо имаіе само наі‐свѣтли, іарки звѣзды и планеты. Множина държав има закон зажигати в сеі час свѣтло уличных ламп и ближны свѣт самоходов. Близко заходу Слонца небо іе како и предтым іасным и бликаіе множиноі цвѣтов.
Мореплавскы сумрак іе втора фаза, гда чъртка виднокрѫга не іе добрѣ освѣщеноіѫ. Овы тип сумрака іе пришел из мореплавства, в овы час іуж іе можным видѣти вече звѣзд и иззначити разположеніе си. В овы сумрак умѣтно свѣтло іуж цѣлком освѣщаіе грады.
Звѣздарскы сумрак настава, гда іе близ полен мрак, виднокрѫг практично не іе видным. Небо имаіе Млечны пѫті и неіарки звѣзды и планеты іе можным узрѣти (ако Луна не іествуіе на небу). Іеднако, галактикы и звѣздокупицы не іе доброзримы, и трѣба чакати полны мрак, когда Слонце сѧ опусти ниж 18° под виднокрѫг.
