Саҡмағош районының Яңы Балтас ауылында тирә –яҡҡа ҡот, иман таратып “Фәриҙә” мәсете балҡып ултыра.Әллә ҡайҙан үҙенә тартып торған иман йорто, юл өҫтөндә урынлашҡанғамы, унан кеше өҙөлмәй, тигән һүҙҙәрҙе ишетеп, уны кереп күрергә булдыҡ. Ишеткәндәр хаҡ булып сыҡты. Иман йортоноң имам-хатибы Хәҙис хәҙрәт Исламов бик ихлас ҡаршы алды. – Был мәсетте ауылыбыҙҙан Фәриҙә исемле апайҙың ҡыҙы менән улы төҙөттө. Шуға уның исемен йөрөтә. Мәсетебеҙ 2008 йылда асылып, матур итеп эшләп килә. Ҡаран, Ҡаръяуҙы, Туҡай, Яңы Бирҙе, Байбулат һәм башҡа ауылдарҙан да киләләр бында. Ошонда никах уҡытыу, исем ҡуштырыу йолалары башҡарыла, Ураҙа, Ҡорбан байрамдар үткәрелә, йома намаҙҙары үтә. Уҡыуҙар ҙа уҙғарабыҙ. Балалар йәйен каникул мәлендә уҡыуға йөрөнө, әле шәмбе көндәрендә лә киләләр. Октябрь айында ҡатын-ҡыҙҙар, ир-егеттәр өсөн уҡыуҙар башларға торбыҙ. Быйыл балалар араһында ҡөръән уҡыу буйынса конкурс үткәрҙек. Ул 60 -ҡа яҡын кешене йәлеп итте. Хатта күрше райондарҙан да килделәр, – тип һөйләп алып ки