Ишембайҙа “Берҙәмлек” әҙәби альманахының исем туйы үтте

Башҡортостандың Ишембай үҙәк моделле китапханаһында "Мәҙәниәт" милли проекты сиктәрендә республиканың көньяғы әҙәбиәтселәренең “Берҙәмлек” исемле яңы әҙәби альманахының исем туйы уҙҙы. Әҙәби альманахта 73 авторҙың әҫәрҙәре тупланған. Китап Өфөлә 300 дана тираж менән баҫылған. Альманахтың сығарылыш мөхәррирҙәре Ольга Евстафьева һәм Валентин Осадчий, “Берҙәмлек” альманахының дәртләндереүселәре. Байрамда Ишембай һәм Стәрлетамаҡ шағирҙарының матур шиғырҙары яңғыраны. Үҙҙәренең ижадтарында улар Башҡортостанды, Ишембай ҡалаһын данлай. Яңғыраған шиғырҙар тамашасыларҙың – шиғриәт һөйөүселәрҙең йөрәгенә үтеп инде. Авторҙар үҙҙәренең күңел түрендәге фекерҙәре менән уртаҡлашҡан. Валентин Осадчий Башҡортостандың көньяғы әҙәбиәтселәренең ижадын бер китапҡа туплаған альманах булдырыу идеяһының нисек барлыҡҡа килеүе хаҡында һөйләне. Рәхмәт һүҙҙәре менән район хакимиәте вәкилдәре, билдәле йәмәғәт эшмәкәрҙәре сығыш яһаны. “Рябинушка” йыр халыҡ ансамбле, “Отрада” рус йыры ансамбле башҡарыуында тамашасылар йырҙарҙы ихлас тыңланы. Билдәле булыуынса, “Мәҙәниәт” (национальный проект “Культура”) милли проекты Рәсәй Президенты Владимир Путиндың май указы менән булдырылды. Фото: Ишембай районы хакимиәте.