"Бәләкәй һәм урта эшҡыуарлыҡ, шәхси эшҡыуарлыҡ башланғысына булышлыҡ итеү” милли проекты сиктәрендә Яңауыл районы хакимиәтендә сираттағы эшҡыуарлыҡ сәғәте үтте. Унда ҙур стажлы эшҡыуар Люциә Нуретдинова ҡатнашты. Ул үҙенең эшмәкәрлеген 90-сы йылдарҙа башлай, сауҙа һәм йәмәғәт туҡланыуы менән шөғөлләнә. 2024 йылдың майында ул бик ҙур ремонт талап иткән административ элеватор бинаһын һатып ала. “Минең йылытыу системаһы буйынса һорауым тыуҙы. Бинаға газ үткәреү кәрәк, сөнки унда үҙәк йылытыу юҡ. Ресурс менән тәьмин итеүсе ойошмалар менән һыу һәм газ үткәреү буйынса яҡынса килешеү бар. Электр йылытыуы бик ҡиммәт. Бинаға газ үткәреүҙә ярҙам кәрәк”, – тип һөйләне Люциә Нуретдинова. “Газпром газ бүлеү Өфө” асыҡ акционерҙар йәмғиәтенең Яңауыл филиалы комплекслы хеҙмәте начальнигы Альмир Мусин бинаға газ үткәреү буйынса аңлатма бирҙе. “Бизнес өсөн биналарға газ үткәреү төбәк газ бүлеү системаһына ғариза биреүҙән башлана. Коммерция объектына газ үткәреүҙең беренсе этабы булып сифатлы йылы техник иҫәп тора, уның һөҙөмтәһендә күпме газ кәрәклеге билдәләнә. Ә бының өсөн бинала ниндәй объекттар булыуын белер кәрәк”, – тине ул. Эшҡыуар алдан ҡаланың төньяҡ өлөшөндә тәҡдим ителгән хеҙмәттәр конъектураһын өйрәнгән. Элеватор хеҙмәткәрҙәре һәм урында йәшәгән кешеләр үҙ теләктәрен әйткән: уларға дарыухана, магазин, кафе һәм банкомат кәрәк. Билдәле булыуынса, “Бәләкәй һәм урта эшҡыуарлыҡ, шәхси эшҡыуарлыҡ башланғысына булышлыҡ итеү” (национальный проект “Малое и среднее предпринимательство и поддержка индивидуальной предпринимательской инициативы”) милли проекты Рәсәй Президенты Владимир Путиндың май указы менән булдырылды. Фото: Яңауыл районы хакимиәте.