ОшМУ «EAAR Eurasian University Ranking – 2024» эл аралык рейтингинде 2-орунга ээ болуп, Евразиядагы алдыңкы университеттердин арасындагы позициясын тастыктады. Рейтингде университеттердин дүйнөлүк билим берүү мейкиндигине интеграцияланышына көмөктөшүү менен билим берүүнүн сапаты, илимий потенциалы жана академиялык аброю эске алынган.
🎓 ОшМУ “IAAR Eurasian University Ranking – 2024” эл аралык рейтингинде экинчи орунду ээледи.
🏆 Эң мыкты үч университетке Аль-Фараби атындагы Казак улуттук университети, Ош мамлекеттик университети жана Россиянын биотехнологиялык университети кирди.
📊 Рейтинг төрт негизги көрсөткүчтүн негизинде түзүлдү: билим сапаты (20%), илимий потенциал (30%), эл аралык билим берүү мейкиндигине интеграция (20%) жана академиялык репутация (30%).
🌍 Иштелип чыккан рейтинг эл аралык стандарттарды эске алып, университеттердин дүйнөлүк билим берүү жана изилдөө мейкиндигине интеграцияланышына көмөктөшөт.
📈 ОшМУ тынымсыз өсүү жолун көрсөтүп келет: 2021-жылдан бери өзүнүн позициясын жакшыртып, алдыңкы ондукка кирип, андан кийин 2022-2023-жылдары үчүнчү орунду ээледи.
📅 Эл аралык рейтингдин жыйынтыгы жыл сайын чыгарылып турат жана бул жылы ага ар кайсы өлкөлөрдөн, анын ичинде Казакстан, Голландия, Индия жана башкалардан алдыңкы университеттер катышты.
🌟 ОшМУнун жетишкендиктери анын жетекчилигинин, окутуучуларынын жана студенттеринин аракети менен дүйнөлүк деңгээлдеги университетке айланууга умтулгандыгын айгинелеп турат.