Бизнес-омбудсмендың йәмәғәт эксперттары командаһына юрист ҡушылды

Башҡортостан Республикаһында эшҡыуарҙарҙың хоҡуҡтарын яҡлау буйынса вәкил Ирина Абрамова эшҡыуарҙарҙың проблемаларын хәл итеү өсөн бушлай эксперт ярҙамы күрһәтеү тураһында яңы килешеүгә ҡул ҡуйҙы. Эксперттар командаһына янғын хәүефһеҙлеге өлкәһендә юрист Елена Мәүлитова ҡушылды. Уның был тармаҡта 20 йыллыҡ эш тәжрибәһе бар, юридик шәхестәргә, шәхси эшҡыуарҙарға янғын хәүефһеҙлегенең мотлаҡ талаптарын үтәү, дәүләт янғын күҙәтеүе органдары күрһәтмәләре буйынса ҡағиҙә боҙоуҙарҙы бөтөрөү, административ яуаплылыҡҡа тарттырыу, шулай уҡ граждандар оборонаһының һаҡ ҡоролмаларын иҫәптән алыу (типты үҙгәртеү) мөмкинлеге буйынса консультациялар биреү менән шөғөлләнә. - Әлеге ваҡытта вәкил командаһында 50 pro bono эксперты бар. Былтыр беҙ төрлө тармаҡтарҙағы белгестәр менән туғыҙ яңы килешеү төҙөнөк: төҙөлөштән алып енәйәт һәм гражданлыҡ хоҡуғына тиклем. 2024 йылда йәмәғәт эксперттары эшҡыуарҙарҙың мөрәжәғәттәре буйынса һигеҙ эксперт һығымтаһы әҙерләгән, эксперттар ҡатнашлығында бизнес һәм консультациялар өсөн 25 уҡыу сараһы үткәрелгән, көйләү йоғонтоһон баһалау сиктәрендә 34 норматив-хоҡуҡи акт проекты ҡаралған һәм һалым ҡануниәтен үҙгәртеү буйынса 11 тәҡдим индерелгән, – тип билдәләне бизнес-омбудсмен Ирина Абрамова. Вәкил һүҙҙәренсә, эксперттар эшҡыуарҙарҙы ҡабул итеүҙә, Вәкил ҡарамағындағы йәмәғәт эксперт советы, Башҡортостан Республикаһында «Бизнес коррупцияға ҡаршы» йәмәғәт процедуралары үҙәге ултырыштарында, бәләкәй һәм урта бизнесҡа ҡағылышлы мәсьәләләр буйынса кәңәшмәләрҙә һәм конференцияларҙа ҡатнашыуға йәлеп ителә. Улар шулай уҡ “Бизнесҡа хоҡуҡ лекторийы” проектын тормошҡа ашырыуҙа әүҙем ҡатнаша. Белешмә: Pro bono эксперты булып махсус белемгә, квалификацияға һәм тәжрибәгә эйә булған кеше була ала. Мөрәжәғәттәр менән эшләгәндә эксперттарҙың ҡыҙыҡһыныуы, аффилирланыуы йәки мәнфәғәттәренең башҡа конфликты булырға тейеш түгел. Хеҙмәттәшлек тураһында тәҡдимдәрҙе бизнес-омбудсменға телефон аша ебәрергә мөмкин: +7(347)218-18-18, +79174001818 йәки электрон почта аша: business@bashkortostan.ru. Был сара Рәсәй Президенты Владимир Путиндың май указы нигеҙендә барлыҡҡа килгән “Бәләкәй һәм урта эшҡыуарлыҡ һәм шәхси эшҡыуарлыҡ башланғысына булышлыҡ итеү” милли проекты (национальный проект "Малое и среднее предпринимательство и поддержка индивидуальной предпринимательской инициативы") маҡсаттарында атҡарыла.