Был ниндәй ҡош ул? Йылайыр районының Сәләх ауылында урманға яҡын бер ихатаға ят ҡош килеп ингән. Ниндәй ҡош икәнен белеү өсөн интернетҡа мөрәжәғәт иттек. Баҡтиһәң, был Ҡыҙыл китапҡа индерелгән ҡурпысыҡ (вальдшнеп) тигән ҡош икән. Арағыҙҙа орнитологтар бармы? Был ҡошҡа йылы яҡҡа осорға вакыт түгелме икән? Вальдшнептар тураһында бер нисә факт: - Был ҡоштың күҙҙәре, башындағы бейек урынлашыуы арҡаһында, 360°күҙәтеү бирә. Шуға күрә уға яҡынлашыу еңел түгел. - Инә вальдшнептарға хәүеф янаған осраҡта йәки уларҙы алыҫ ерҙәргә ташыу өсөн балаларын аяҡтарында йөрөтөү оҫталығы хас. - Вальдшнеп үҙ-үҙен дауалау һәләтенә эйә. Суҡышы менән ул яраға йәки һыныуға балсыҡ, үлән һәм үҙ төкөрмәһе ҡатнашмаһынан «гипс бинт» һала. - Вальдшнеп һынлы сәнғәттә ҡулланылған бер пар ҡауырһынға эйә. Улар осло һәм ҡош ҡанаттарында урынлашҡан. Бындай ҡауырһындарҙы боронғо рус икона яҙыусылары ҡулланған, улар иң нескә һыҙаттар һәм һүрәттәр эшләгән. Хәҙер уларҙы шулай уҡ ҡумталар, портсигарҙар һәм башҡа сувенир продукцияһын биҙәү өсөн ҡулланалар. - Өлкән вальдшнепты йәш ҡоштарҙан айырыу бик ауыр, быны йәш ҡоштарҙың ҡанаттарында билдәле бер өлгө барлығын һәм уларҙың ҡауырһындары өлкәндәргә ҡарағанда бер аҙ ҡарараҡ күренгәнен белгән профессионал ғына эшләй ала. Автор фотоһы.