Популяр йырсы Гүзәл Уразованың һәр концертында ниндәйҙер үҙенсәлкле хәл булмай ҡалмай. Күптән түгел генә бер тамашасы уларға кәзә бүләк иткән ине, әле ике көн рәттән концертҡа килгән егет йырсынан: "Ҡыҙығыҙға ир кәрәкмәйме?" - тип һорап, шаҡ ҡатырған. Әлбиттә, Гүзәл Уразова менән егет араһындағы әңгәмә тамашасыларҙың кәйефен күтәрмәй ҡалмаған. -Егеттәр ҙә килгән әле бында. -Хәтерләйһегеҙме мине. Кисә концертта булған инем. -Бөгөн тағы килдегеҙме? - Эйе. Кәйеф күтәрелде. -Исемегеҙ нисек? -Вилдан. -Вилдан, кисә шәп булған ине. Бөгөн нисек? -Тағын да шәп. -Вилдан, һин өйләнгәнме? -Юҡ. -Тимәк, бөгөн өйләнеп ҡайтып китәһең. -Һеҙҙең ҡыҙығыҙға ир кәрәкмәйме? -Кем белгән уны. Һорармын. Ҡурҡыттың әле мине... -Һин эшләйһеңме, уҡыйһыңмы? -Уҡыйым. -Вообще молодец егет! Бына шулай! Гүзәл Уразованың концертында ҡыҙына кейәү булырға теләүселәр ҙә табылған. Тик Эллари ғына был хаҡта ни уйлайҙыр, әлегә билдәһеҙ... Фото һәм сығанаҡ: "Интертат"