Руская земля в Новгородской Первой Летописи младшего извода

Сегодня администраторъ канала «Исторія Россіи съ древнѣйшихъ времёнъ до сихъ дней» изъ телеграмма пришёлъ въ дзенъ для того, чтобы написать статью объ упоминаніи Руской земли въ Новгородской Первой лѣтописи младшаго извода (въ дальнѣйшемъ НПЛ МИ), пріятнаго чтенія.

НПЛ МИ, с записью за 6770 [1262] лѣто

Тогда же поиде Александръ в Татары, и удержа его Берка, не пустя и в Русь; и зимова в Татарехъ, и разболѣся , и бысть в недузѣ крѣпци велми нездравь

В НПЛ МИ. За 6778 [1270] лѣто:

И присла митрополит грамоту в Новъгород, рек тако: «мнѣ поручилъ богъ архиепископью в Рускои земли, вам слушати бога и мене;

В НПЛ МИ. За 6818 [1311] лѣто

Того же лѣта боголюбивыи архиепископъ новгородчкыи Давыдъ постави церковь камену на воротех от Неревьскаго конца во имя святого благовѣрного князя Владимира, крестивъшаго Рускую землю, а в крещении Василии.

В НПЛ МИ. За 6823 [1316] лѣто

Того же лѣта поиде князь Михайло¹ из Орды в Русь, ведыи съ собою Татары, оканного Таитемеря.

1 – Михаил Ярославич. Годы правления: Владимир - 1305–1318, Тверь 1282–1318

В НПЛ МИ. В лѣто 6835 [1327].

На ту же зиму прииде рать татарьская множество много , и взяша Тфѣрь и Кашинъ и Новоторьскую волость и просто ркуще всю землю Рускую и положиша ю пусту, токмо Новъград ублюде богъ и святая Софѣя

В НПЛ МИ. За 6837 [1329] лѣто.

Прииде в Новъгород на столъ князь великыи Иванъ Данилович¹, внукъ Александровъ, мѣсяца марта въ 26, на зборъ архангла Гаврила; бяху же с ними тфѣрьскыи князи Констянтинъ² и Василии³, и Александр Суздалскыи⁴, и иных много рускых князеи

1 – Иван Данилович Калита – князь Московский, Владимирский, Новгородский

2 – Константин Михайлович – Великий князь Тверской

3 – Василий Михайлович – князь Кашинский, Великий князь Тверской

4 – Александр Васильевич – князь Суздальский

НПЛ МИ. В лѣто 6843 [1335].

Того же лѣта, по грѣхомъ нашимъ, бысть пожаръ в Руси: погорѣ город Москва, Вологда, Витебьско; и Юрьевь нѣмечкыи всь погорѣ.

НПЛ МИ. В лѣто 6883 [1375].

Того же лѣта ходи князь великыи Дмитрии Ивановиць съ всѣми князьми и со всею силою рускою на князя Михаила Тфѣрьскаго

НПЛ МИ. В лѣто 6887 (1379)

Того же лѣта поидоша Татарове на Рускую землю, на князя великаго на Дмитриа; князь же поиде противу ихъ; и бысть на рѣцѣ на Овожи, и ту ся обои полкы съступишася; и пособи богъ князю великому, а Татарове, вдавъ плещи, побѣгоша.

НПЛ МИ. В лѣто 6888 [1380].

Биша чоломъ всь Новъградъ господину своему владыцѣ Алексѣю, чтобы еси, господине, ялъся 5 ѣхати [ко] А князю великому [Дмитрею Ивановичю]. И владыка прия челобитье своих дѣтеи, всего Новагорода, поиха на Низъ, за недѣлю до цвѣтнои недѣлѣ; а с нимъ поиха Юрьи Иванович, Михаило Данилович, Юрьи Онцифорович, Иевъ Обакунович, Иванъ Федорович и иных бояръ много и житьих мужь. Князь же прия [их] А в любовь, а к Новугороду крестъ цѣловалъ на всеи Вперёдѣ новгородчкои и на старых грамотах. В то же лѣто, мѣсяца августа, приидоша вѣсти от Орды к великому князю Дмитрию и брату его князю Володимер, якоже въздвизается на крестияны измаилетескыи род поганыи. Нѣкоему убо у них худу цесарюющу, а все дѣющю у них князю Мамаю, и лютѣ гнѣвающюся ему на великого князя и на всю Рускую землю.

НПЛ младшего извода. В лѣто 6888 [1380]

Князь же великыи Дмитрии съ братомъ своимъ съ княземъ Володимеромъ, ставъ на костех татарьскых, н многыя князи рускыя и воеводы прехвалными похвалами прославиша пречистую матерь божию богородицю, крѣпько брашася съ иноплеменници за святыя божиа церкви, за правовѣрную вѣру, за всю Рускую землю; а самъ приихалъ богомь храним въ столныи и великыи град Москву, въ отчину свою, съ своимъ братомъ Володимеромъ.

НПЛ МИ. В лѣто 6890 [1382]

Прииде цесарь татарьскыи Тектомышь в сили велицѣ на землю Рускую, много попустоши земли Рускои: взя град Москву и пожьже, и Переяславль, Коломну, Серпоховъ, Дмитровъ, Володимирь, Юрьевъ. Князь же великыи, видя многое множество безбожных Татаръ, и не ста противу имъ, и поиха на Кострому и съ княгинею и с дѣтмѣ, а князь Володимеръ на Волокъ, а мати его и княгинѣ в Торжокъ, а митрополит во Тфѣрь, а владыка коломеньскыи Герасимъ в Новъгород. И кто нас, братие, о сем не устрашится, видя таковое смущение Рускои земли, якоже господь глагола пророком: аще хощете послушаете, благая земьная снѣсте, и положю страх вашь на вразѣх ваших; аще ли не послушаете мене, то побѣгнете, никим же гоними; пошлю на вы страх и ужасъ, побѣгнеть вас от 5 —100, а отъ 100 — 10000

В НПЛ МИ. За лѣто 6906 [1398].

И вышедши двинянѣ ис городка, и начаша бити челомъ съ плачемъ воеводам и всѣмъ воемь новгородцемъ, и воеводы новгородчкыи и вси вои, по своего господина по новгородчкому слову, челобитье прияша двинянъ, а нелюбья имъ отдаша, а воевод заволочкых Ивана и Конана с другы изимаша, овых смертию казниша, а Ивана и брата его Афанаса, Герасима, Родивона исковаша, кто водилъ Двиньскую землю на зло; а у князя Федора Ростовьскаго взяша присуд или пошлины, что поималъ, а самому с другы живот даша, а у гостии князя великаго взяша с головъ окупа 300 рублевъ, а у двинянъ за их преступление и за ихъ вину воеводы и вси вои новгородци взяша 2000 рублевъ, а 3000 коневъ: бяше всѣх новгородцовъ 3000 или мене .Оле божие милосердие, селко прошед Рускои земли, и у сель толъста городка не бысть пакости в людех, токмо с городка одиного человѣка убиша дичького Левушку Федорова посаднича, а городокъ розгре боша. Постави архиепископъ новгородскыи владыка Иоанн церковь камену святое Въскресение на воротехъ, и свяща ю самъ, с попы и с клиросом святѣи Софѣи. Постави Михаилъ Крупа церковъ камену святого Николу конець Лугощи и Чюдинцевѣ улицѣ .

НПЛ МИ. В 6907 [1399] лѣто

Былъ убо князь Витовтъ преже крестианъ, а имя ему Александръ, и отвержеся правовѣрныя вѣры и крестияньства и прия лятскую вѣру, церкви святѣи превратилъ на богомеръское служение; а помыслилъ тако: хотѣл пленити Рускую землю и Новъград и Пьсковъ, а не мыслит господа пророкомъ глаголюща, како едии поженет 1000, а два двигнета 10000 . Аще богъ по крестиянех, то кто на ны. А сии бои былъ мѣсяца августа въ 5 день, в канунъ Спасова дни, на память святого мученика Еусегния. Тои же осени бысть помрачение въ солнци и тма бысть; а солнце погибе, и явися серпъ на небесѣ, и потом явися солнце, кровавыя луча испущающе

В НПЛ МИ. В лѣто 6916 [1408].

Прииха в Новъгород князь Костянтинъ Дмитриевич от брата своего от великого князя Василья на намѣстьничьство. Поби владыка Иоанн святыи Софѣи свинцом, а маковицю болшюю златоверху устрои. Тои же зимы прииде Едегии, тесть Шадѣбѣга цесаря татарьскаго, ратью со многою силою к Москвѣ 59, мѣсяца ноября въ 23 день, и стоя под Москвою самъ цесарь, а вои свои роспусти на Рускую землю. И взяша город Переяславль, Ростовъ, Нижнии Новъгород, Серпоховъ, и много христианъ посѣкоша, а иных в полонъ сведоша, и воеваша и до Клина, до тфѣрьскаго рубежа ,а все крестианъ сѣкуще, аки траву, а с города Москвы взяша окупа 3 тысяцѣ рублевъ; и идуще из Рускои землѣ , взяша город Рязань.

В НПЛ МИ. В лѣто 6932 [1424].

Сослаша новгородци Феодосиа въ свои монастырь, бѣ два лѣта на сѣнех в дому святѣи Софѣи. И пакы того же лѣта възведоша Омельяна по жеребью къ престолу святѣи Софѣи. Того же лѣта и въ Пьсковѣ дѣнги сковаша, и почаша по всеи Рускои земли торговати дѣнгами.

Подробнее про разновидности Новгородских летописей можете почитать здесь