"Минең бизнесым" үҙәгенең мобиль офисы ике ҡала эшҡыуарҙарын хеҙмәтләндерҙе

рәсәй Президенты Владимир Путиндың май указдары нигеҙендә барлыҡҡа килгән «Бәләкәй һәм урта эшҡыуарлыҡ һәм шәхси эшҡыуарлыҡ башланғысына ярҙам» («Малое и среднее предпринимательство и поддержка предпринимательской инициативы») милли проекты сиктәрендә ойошторолған сараларҙа 30 эшҡыуар консультация һәм башҡа хеҙмәт төрөн ала алды. - Башҡортостан Республикаһы Башлығы Радий Хәбировтың инициативаһы һәм милли проекттар арҡаһында төбәктә эшҡыуарлыҡты үҫтереү институттары уңышлы эшләй, улар предприятиеларға кәрәкле финанс һәм мәғлүмәт ресурстарына инергә ярҙам итә. Мәҫәлән, «Минең бизнесым» үҙәгенең күсмә консультациялары эшҡыуарҙарға республиканың алыҫ ҡалаларынан һәм ауылдарынан дәүләт ярҙамы сараларының тулы комплексын тәҡдим итә. Ағымдағы йылда бөтәһе 19 сәфәр булды, уларҙа 300-гә яҡын кеше ҡатнашты, - ти Башҡортостан Республикаһының эшҡыуарлыҡ һәм туризм министры вазифаһын башҡарыусы Зөһрә Гордиенко. Күсмә саралар спикерҙары булып төбәк бизнесты үҫтереү институттары, район хакимиәттәре һәм «Минең бизнесым» үҙәге вәкилдәре сығыш яһаны, улар ғәмәлдәге һәм потенциаль эшҡыуарҙарға дәүләт ярҙамы саралары, уларҙы алыу ысулдары һәм үҙәктең планлаштырылған уҡытыу саралары тураһында хәбәр итте. Бөгөнгә «Бәләкәй һәм урта эшҡыуарлыҡ һәм шәхси эшҡыуарлыҡ башланғысына булышлыҡ итеү» милли проекты сиктәрендә республикала «Минең бизнесым» үҙәгенең 13 офисы асылған, унда эшҡыуарҙар бизнес алып барыу мәсьәләләре буйынса төрлө консультацияларҙың һәм хеҙмәттәрҙең 50-нән ашыу төрөн ала. – «Берҙәм тәҙрә» форматы эшҡыуарҙарға һәм үҙ эшен асырға теләүселәргә ғәмәлдәге ярҙам саралары тураһында дөрөҫ мәғлүмәт алырға мөмкинлек бирә, был төрлө структуралар менән аралашыуҙы еңеләйтә һәм уларҙы тапшырыу ваҡытын ҡыҫҡарта, - тип билдәләне «БР Эшҡыуарлыҡ буйынса агентлығы» автономлы коммерцияға ҡарамаған ойошма директоры Вадим Үтәшев. Киләһе мобиль офис октябрь уртаһында Өфө районында үтәсәк.