Медицина мәктәбен тамамлау тураһында диплом тапшырҙылар

Донъя кимәлендәге вуз-ара студенттар кампусында «МЕДЗНАЙКА» һөнәри йүнәлеш биреү мәктәбен тамамлау тураһында дипломдар тапшырылды. Быйыл уны 36 уҡыусы тамамлаған. Медицина мәктәбен бөтәһе 100 кеше тамамлаған. "МЕДЗНАЙКА" Башҡортостан дәүләт медицина университетында икенсе йыл эшләй. Проект “Приоритет-2030” университеттарҙы үҫтереү программаһы сиктәрендә эшләй башлаған. Медицина мәктәбен тамамлау тураһында сертификаттарҙы тапшырыу өсөн уҡыусыларҙы вуз-ара студенттар кампусына йыйҙылар. Программа айырым модулдәрҙән тора, уларҙың һәр береһе балаларҙы медицина һәм башҡа һөнәрҙәр (стоматология, биоинженерия, офтальмология, фармация һәм башҡалар) менән таныштыра. Медицина фәне менән улар университеттың ғилми лабораторияларында, студенттар кампусында һәм БДМУ-ның Симуляция үҙәге майҙансыҡтарында таныша. Уҡыусылар медицинаны уйын формаһында өйрәнгән: офтальмологтарҙың нисек эшләүен күргән, табип-стоматолог креслоһына ултырған, иммунитет һәм микробиология нигеҙҙәрен өйрәнгән, БДМУ ғалимдары эшләгән импланттарҙы 3d-моделләштереү дисциплинаһы менән танышҡан. Һөнәри йүнәлеш биреү программаһы уҡыусыларҙың өс категорияһын үҙ эсенә ала: 4-6-сы, 7-9-сы һәм 10-11-сы кластар. Мәктәптең маҡсаты -уҡыусыларҙың һаулыҡ һаҡлау өлкәһендәге грамоталылығын күтәреү, сәләмәт йәшәү рәүеше алып барыу өсөн мотивация булдырыу һәм табип һөнәрен аңлы һайлауға йоғонто яһау мөмкинлеге биреү. Уҡытыусылар - Башҡортостан медицина университетының профессор-уҡытыусылар составы, йәш ғалимдар һәм ирекмән-медиктар. “МЕДЗНАЙКА” - интеллектуаль һәм ижади һәләттәрҙе һәм күнекмәләрҙе үҫтереүгә, профессиональ киләсәк траекторияһын төҙөүгә; эксперт-уҡытыусылар етәкселегендә үҙ проекттарын әҙерләүгә һәм тормошҡа ашырыуға йүнәлтелгән проект. Уҡытыуҙың яңы миҙгеле 5 октябрҙә башлана. Электрон почта: markovaylia86@mail.ru. Белешмә. Евразия Фәнни-белем биреү үҙәгенең юғары уҡыу йорттары араһындағы студенттар кампусы Рәсәй Президенты ҡушыуы буйынса һәм Рәсәй Мәғариф һәм фән министрлығының «Фән һәм университеттар» милли проектын тормошҡа ашырыу сиктәрендә төҙөлә. Өфө кампусы проекты - 4,3 мең кешегә иҫәпләнгән торлаҡ биналары, уҡыу-ғилми комплексы, лабораториялары, эшлекле зоналары, магазиндары, уңайлы скверҙары һәм башҡа уңайлы ҡала мөхите объекттары булған студенттар өсөн урын. Мәғлүмәт һәм фото сығанағы: https://pravitelstvorb.ru/news/25125/