▶️
"Маҡсатыбыҙ – башҡорт клуб музыкаһын донъя кимәленә сығарыу".
"Сәләм, Башҡортостан!" , "Яратам, Башкортостан!", "Дан, Башҡортостан!" һәм башҡа хиттары менән тыңлаусы-тамашасы араһында киң билдәлелек алған "Дарман" проектына 15 йыл. Юбилейҙарын проектҡа нигеҙ һалыусы ди-джей Хан – Булат Сарбаев һәм тамашалар оҫтаһы-МС Бурзой 3 аудиоальбом, егерменән ашыу ремикс-хиттар, үҙенсәлекле "Тәм-том" балалар проектын асыу һәм профессиональ артистар сафына баҫыу менән ҡаршылай.
Әлбиттә, "Дарман"дарҙың эшмәкәрлеге – рухлы, патриотик йырҙар сығарыу һәм башҡорт көй-моңдарының миллилегенә тағы ла сағыулыҡ, үҙенсәлек өҫтәү. "Беҙҙең һәр сығыш – сағыу тамаша булырға тейеш. Техник яҡтан юғары сифатлы; дәртле, кәйефте күтәрерҙәй, көс өҫтәрҙәй, рух уятырҙай йырҙар ижад итеү генә түгел, башҡорт клуб музыкаһын донъя кимәленә сығарыу – ошо беҙҙең маҡсат" , — ти егеттәр.
Ди-джей Хан һәм МС Бурзой сығарған йырҙар ысын хитҡа әйләнеп, интернет-майҙандарҙа меңәрләгән "ҡарауҙар" теркәй. "Дарман"дың йырҙарын күптәр яттан белә, уларға бейеүҙәр өҫтәп, флешмобтар үткәрә, социаль селтәрҙәрҙе тултыра, — ошо түгелме ни үҙ эшеңдең емеше? Йәштәр, балалар, өлкәндәр һәм ололар – йәш айырмалығын юйған, күңелдәрҙә башҡорт рухын нығытҡан, заман һәм боронғолоҡ аша күпер ҡуйған “Дарман” проекты менән “Өфө уттары” тапшырыуының 15-се октябрь сығарылышында осрашып, әңгәмә ҡорҙоҡ.
▶️ Смотрите видео
--------------------------
Присоединяйтесь к нашему каналу Башкортостан 24 в Дзене и поделитесь Вашим мнением о событиях, происходящих в Уфе и Башкирии!
Мы предлагаем Вам актуальные новостные сюжеты, а также свежие выпуски передач производимые холдингом ГТРК «Башкортостан».
--------------------------
▶️ Прямой эфир Башкортостан 24
