Жогорку Кеңештин депутаттары Чүй облусунда көчмө жыйын өткөрүп, мекеме-ишканалардын иши жана токой чарбасынын абалы менен таанышты. Азык-түлүк коопсуздугу, кант кызылчасынын баасы жана дан сатуудагы көйгөйлөр талкууланды. Токой аянттарын кебейтууге, ишканаларда эмгек шарттарын жакшыртууга зор кецул бурулууда.
🌳 Бишкекте Агрардык саясат боюнча комитеттин көчмө жыйыны өтүп, анда депутаттар Чүй облусундагы айыл жана токой чарбасынын абалы менен таанышты.
🌾 Депутаттар Шопоков шаарындагы “Кошой” ААКсында болуп, кант кызылчасынын баасын жана заводдун ишин талкуулап, өлкөнүн азык-түлүк коопсуздугунун маанилүүлүгүн белгилешти.
🌱 Талкуунун маанилүү өңүтү дыйкандарды сапаттуу үрөн менен камсыз кылуу жана кант өндүрүүнүн натыйжалуулугун жогорулатуу үчүн заводдордогу жабдууларды жаңылоо болду.
🌾 Депутаттар быйылкы жылы 14 миң тонна буудай алып, бирок продукцияны сатууда көйгөйлөргө туш болгон “Дан-Азык” мамлекеттик ишканасынын иши менен да таанышты.
🌳 Жайыл токой чарбасында депутаттар токой аянттарын көбөйтүү жана бак-дарактарды жигердүү отургузуу зарылдыгын талкуулашты.
🤝 Жыйынга Суу чарба министри жана жергиликтүү бийлик өкүлдөрү катышып, айыл чарба тармагындагы актуалдуу маселелерди биргелешип чечүүнүн маанилүүлүгүн белгиледи.