Юҡтан да республика кимәлендә ғауға күтәрмәкселәр

“Фактчекинг по-башкирски” телеграм-каналы интернет киңлегендә таралған ялған хәбәрҙәрҙе дөрөҫлөккә сығарыуын дауам итә. Был аҙнала ниндәй темалар иғтибар үҙәгендә булды? Уҡығыҙ. “Инсайдер Башкортостан”, һәр ваҡыттағыса мәсьәләнең аңы-тоңона төшөнмәйенсә, тауыш ҡуптара. Уларҙың фекеренсә, Башҡортостан тарихы юйыла бара. Ә барыһы ла ғалим-шәрҡиәтсе Әхмәт-Зәки Вәлидигә арналған иҫтәлекле таҡтаташты алыу арҡаһында. Ысынында иҫтәлекле таҡтаташты алыу – китапхана бинаһында ремонт эштәрен башҡарыу менән бәйле ваҡытлыса кәрәклек. Таҡтаташтың үҙе лә яңыртыласаҡ. Эштәр тамамланғас, уны урынына кире ҡайтаралар. Башҡортостан тарихын бер кем дә юймай. Киреһенсә, тарихи ҡомартҡыларҙы һәм мәҙәни объекттарҙы яңыртыу буйынса эштәр даими алып барыла. Телеграмма-каналдарҙа Өфө кешеһенең Башҡорт дәүләт ҡурсаҡ театрына билет хаҡына ялыуы таралды. Ике бала менән театрға барыу уға алты мең һумға төшә, тип ризаһыҙлыҡ белдерә ул. Бындай хаҡтар буйынса билеттар, ысынлап та, бар, әммә ни бары 26-29 сентябрҙә булған спектаклдәргә генә. Был көндәрҙә Башҡорт дәүләт ҡурсаҡ театры сәхнәһендә С. Образцов исемендәге легендар Дәүләт академия үҙәк ҡурсаҡ театры труппаһы сығыш яһай. Улар учреждениеның алтын фондынан бер нисә спектакль алып киләсәк. Был хаҡта киң мәғлүмәт сараларында хәбәр ителгәйне. Бынан башҡорт театры хакимиәтенең бер ниндәй ҙә ҡыҫылышы булмаған хаҡ яһалышы килә лә инде. Үҙебеҙҙең ҡурсаҡ театры спектаклдәренә билеттар хаҡы юғары түгел –400-700 һум, быға октябрь һәм ноябрь афишаларына күҙ һалып та инанырға мөмкин. “Пруфы” һәм сит ил агенты Ғәббәсов* Мариана Кацарованың Рәсәйгә ҡаршы докладын тарата. Унда Баймаҡ ваҡиғалары ла ингән. Кем һуң ул Мариана Кацарова? 2023 йылдың 1 майында ул Рәсәйҙә кеше хоҡуҡтары буйынса Берләшкән Милләттәр Ойошмаһының махсус докладсыһы була. Ул шунда уҡ Рәсәй менән хеҙмәттәшлек итмәйәсәген белдерҙе, сөнки Рәсәйгә сәйәси баҫым яһау өсөн көнбайыш күрһәтмәләренә ярашлы эш итәсәк. Ул саҡта Рәсәйҙең БМО ҡарамағындағы даими вәкиле Геннадий Гатилов, Кацарова – әүҙем русофоб һәм ул һәр ваҡыт, хатта кеше хоҡуҡтары өлкәһендә башҡа вазифалар биләгән саҡта ла булды, тип билдәләне. Әммә “Пруфы” менән Ғәббәсовҡа кем менән хеҙмәттәшлек итеү мөһим түгел. Уларға үҙ маҡсатына өлгәшеү һәм ваҡиғаларға боҙоп аңлатма биреү генә кәрәк. Хәтерегеҙгә төшөрәбеҙ, Баймаҡтағы ваҡиғалар ваҡытында Рәүфә Рәхимованың “Пруфы”һы һәм экстремист Руслан Ғәббәсовтың коллаборацияһы халыҡты протест акцияһына йәлеп итеү һәм власть органдарына ҡарата дошманлыҡты көсәйтеү өҫтөндә эшләне. Уларҙың маҡсаты – бер ҡатлы граждандарҙы файҙаланып, үҙ мәнфәғәттәрендә хәлде ҡатмарлаштырыу. Марина Кацарованың докладын беҙ асыҡ сығанаҡтарҙан таба алманыҡ. Ләкин “Пруфы” менән Руслан Ғәббәсовтың кем икәнлеген тағы бер тапҡыр аңларға мөмкинлек бирә. Салауат ҡалаһында капиталь ремонттан һуң 29-сы балалар баҡсаһына яңыртылған инеү урынын асыу тантанаһы үтте. Был сара “Однажды в Башкирии” каналының сәйәси күҙәтеүселәре яғынан тәнҡитһеҙ үтмәне. Улар хатта иң ыңғай үҙгәрештәрҙә лә кире фекерҙәр эҙләй. Эш шунда: балалар баҡсаһының запас инең ерен яңыртҡандар. Ремонтҡа тиклем ул төҙөлөш ваҡытында барлыҡҡа килгән етешһеҙлектәр арҡаһында авария хәлендә булған. Санитар-эпидемиологик нормаларға ярашлы, баҡсаға һәр төркөмдөң айырым инеү урыны һәм сығыу урыны булырға тейеш. Шуға күрә ремонт эштәре мотлаҡ башҡарылырға тейеш ине. Ремонт эштәре сиктәрендә иҫке ҡыйыҡты һәм кирбес һалыуҙы, иҫке баҫҡысты һүтеү, яңы металл бағаналарҙы ҡуйыу, ҡыйыҡты монтажлау, шулай уҡ металл элементтарҙы грунтлау һәм буяу эштәре башҡарылған. Бынан тыш, өҫтәмә хәүефһеҙлек һәм йылылыҡ тәьмин итеүсе яңы металл йылы ишек ҡуйылған. Төркөмгә инеү урынын яңыртыу балалар өсөн хәүефһеҙлек кимәлен арттырҙы. ТГ-каналдар тәнҡитләү өсөн сәбәптәр эҙләгән саҡта, балалар баҡсаларын һәм мәктәптәрҙе яңыртыу йылдам бара. Раҫланмаған мәғлүмәтте таралыуы менән дан тотҡан “Пруфы” баҫмаһы Республикаға идара итеү үҙәген халыҡтың мөрәжәғәттәрен иғтибарһыҙ ҡалдырыуҙары өсөн ғәйепләй. Уларҙың һүҙҙәренсә, һайлауҙан һуң “боттар” ҙа китте, төбәктәге проблемалар ҙа хәл ителмәне. “Өфө – Октябрь проспекты” никлы ҡулланыусы комментарийы 20 сентябрҙә баҫылып сыҡты. Унда ул “Өйгә ҡайтыу аллеяһын” һүтеүҙәре хаҡында һөйләгән. Өфөнөң Октябрь районы хакимиәтенән яуап 23 сентябрҙә ебәрелгән. Кисектереү сәбәптәре ябай. Инцидент-менеджерҙар ҙа ял итә. Мөрәжәғәт йома көндө яһалған. Дүшәмбе, хеҙмәткәрҙәр эшкә сыҡҡас, яуап биргәндәр. Бөтә инциденттар теркәлә һәм мөрәжәғәт итеү характеры буйынса бүленә. Шуларҙың иң ашығыстары тәү сиратта, шул иҫәптән ял көндәрендә лә эшкәртелә. Был осраҡта Өфөнөң Октябрь районы башлығы тиҙ арала аңлатма бирҙе. Ул шунда уҡ ваҡиға урынына юлланған. Ғөмүмән, уҙған аҙнала был аллеяға иғтибар ҙур булды. Ҡайһы бер киң матбуғат саралары һәм тг-каналдар МХО яугирҙәренә арналған аллеяны емерәләр тип яҙҙы. Айырыуса, “Пруфы” тырышты. Бында ла, кәрәкме-юҡмы, Баймаҡ ваҡиғаларын килтереп бәйләне. Ысынлап та, балалар майҙансығын күсереү һәм яңы ултыртылған аллеяны һүтеү чиновниктарҙың да, подрядсы ойошмаларҙың да эшен биҙәмәй. Тик ни өсөн бынан республика кимәлендәге ғауға күтәрергә? Әлеге ваҡытта балалар майҙансығы өсөн яңы урын билдәләнгән. Шулай уҡ район башлығы халыҡ менән осрашыуҙа “Өйгә ҡайтыу аллеяһы”н төҙөкләндереүҙе тикшерәсәк. Бина төҙөлөп бөткәс, төҙөүсе төҙөлөш осоронда һүтелгән аллеяның һәм брусчатканың бер өлөшөн тергеҙергә ниәтләй. * Руслан Ғәббәсов РФ территорияһында сит ил агенты тип танылды.