Федоровка районында йәшәгән эшҡыуар Виктор Блинниковтың гәрәбәләй көнбағыш майын тәмләмәгән яҡташы юҡтыр. Таҙартылмаған майҙы “Янтарное” тип атауы ла юҡҡа түгел. Үтә күренмәле, һары төҫтәге майҙың сифатына һүҙ тейҙерерлек түгел, тәбиғи һәм тәмле булғаны өсөн эшҡыуарҙың продуктына һорау ҙур. Кузьминовка ауылында урынлашҡан етештереү базаһында ун тоннаға яҡын май етештерә.Тәүҙә ул продукцияһын ауыл хужалығы йәрминкәләрендә һатһа, хәҙер магазиндар, икмәк комбинаттары аша һатып алыусыға еткерә. “Минең өсөн һан түгел, ә сифат мөһим”, тип, марканы юғары тоторға тырыша эшҡыуар. Орлоҡто ул урындағы фермерҙарҙан, ауыл хужалығы етештереүселәренән ала. Уның сифатына ла, технология процесына ла бик талапсан. Әҙер аҙыҡтың һәр партияһына ҡала лабораторияһында тикшереү үткәндән һуң сертификат ала. Етештереү сәнәғәте республика үҫешендә ҙур этәргес көс. Виктор Блинников кеүек тәүәккәл, уңған эшҡыуарҙар уға баһалап бөткөһөҙ өлөш индерә. Фото: https://ashzori.ru/articles/o-tekh-kto-ryadom/2024-09-21/derzhit-marku-i-po-sey-den-3938085?utm_source=vk&utm_medium=social&utm_campaign=78389774