Կանադայի ընդդիմադիր Պահպանողական կուսակցությունը քննարկում է նախաձեռնել Համայնքների պալատում (ստորին պալատ) վարչապետ Ջասթին Թրյուդոյի լիբերալ կառավարությանն անվստահություն հայտնելու վերաբերյալ, փոխանցել է TACC-ը։
Ըստ կայքի՝ սեպտեմբերի 25-ին պատգամավորները ձայների մեծամասնությամբ չեն աջակցել Պահպանողականների նմանատիպ նախաձեռնությանը, քանի որ խմբակցությունը չի կարողացել ստանալ երկու այլ ընդդիմադիր ուժերի՝ Նոր դեմոկրատական կուսակցության և Քվեբեկուա դաշինքի աջակցությունը։ Սպասվում է, որ նոր բանավեճը կտևի մինչև հաջորդ երեքշաբթի, երբ տեղի կունենա ընթացակարգի քվեարկությունը։
Խորհրդարանում տեղերի ներկայիս դասավորվածության համաձայն՝ լիբերալների համար բացասական սցենարը ենթադրում է բոլոր ընդդիմադիր կուսակցությունների կողմից պահպանողական նախաձեռնության աջակցությունը։
Խորհրդարանական ընտրությունները Կանադայում նշանակված են 2025 թվականի հոկտեմբերին։
Նորություններին հետևեք մեր կայքում, ինչպես նաև Telegram-ում և YouTube-ում