Өфөлә Ислам идеалдарына һәм ҡиммәттәренә арналған ғилми-ғәмәли конференция үтәсәк

Рәсәй Федерацияһы Президентының 2023 йылдың 22 ноябрендәге 875-се һанлы «Рәсәй Федерацияһында Ғаилә йылын үткәреү тураһында» һәм 2022 йылдың 9 ноябрендәге 809-сы һанлы «Рәсәйҙең традицион рухи әхлаҡи ҡиммәттәрен һаҡлау һәм нығытыу буйынса дәүләт сәйәсәте нигеҙҙәрен раҫлау тураһында»указдарына ярашлы. Конференцияны ойоштороусылар булып Рәсәй мосолмандарының Үҙәк диниә назараты, Рәсәй мосолмандарының Үҙәк Диниә назаратының Рәсәй ислам университеты сығыш яһаны. Форум ислам донъяһы университеттары федерацияһы һәм мәғариф, фән һәм мәҙәниәт мәсьәләләре буйынса ИСЕСКО – Ислам ойошмаһы (ICESCO – Islamic world Educational, Scientific and Cultural Organization) ҡатнашлығында үтә, уның составына 54 ил инә. Сарала дәүләт власы органдары вәкилдәре, ғалим-теологтар, ислам белгестәре, теологтар, дин белгестәре, тарихсылар, фән һәм белем биреү ойошмалары вәкилдәре, юғары уҡыу йорттары уҡытыусылары һәм студенттары, шулай уҡ Марокко, Палестина, Тунис, Төркиә, Һиндостан, Иордания, Ираҡ һәм Белоруссия, Ҡырғыҙстан, Ҡаҙағстан, Тажикстан һәм Үзбәкстандан дин әһелдәре ҡатнашасаҡ. Сарала ҡатнашыусыларҙың дөйөм һаны 470-тән ашҡан. Конференцияла традицион рухи-әхлаҡи ҡиммәттәрҙе һаҡлауҙа диндең роле, руханиҙарҙың Ватанға һәм халыҡҡа хеҙмәт итеүе, тарихи хәтерҙе һаҡлауҙа һәм Ватан дини мәктәбен тергеҙеүҙә мосолман уҡыу йорттарының роле, милләт-ара һәм конфессия-ара татыулыҡты һәм гражданлыҡ берҙәмлеген нығытыу инициативаһы һәм практикаһы, Рәсәй халыҡтарының һәм традицион рухи мираҫын өйрәнеү, һаҡлау һәм арттырыу мәсьәләләре тикшереләсәк. Форум сиктәрендә традицион ғаилә ҡиммәттәрен һаҡлауҙа диндең роле, Ватанға һәм халыҡҡа хеҙмәт итеү секцияһы, Евразия исламға булышлыҡ итеү ассоциацияһы Советы ултырышы, Бөтә Рәсәй «Камал уҡыуҙары” студенттар ғилми-ғәмәли конференцияһы үтәсәк, Рәсәй мосолмандары Үҙәк диниә назаратының Рәсәй ислам университетын тамамлаусыларҙың (160-тан ашыу кеше) тантаналы анты, Рәсәй мосолмандары Үҙәк диниә назаратының Рәсәй ислам университеты менән «Әз-Зәйтүнә» университеты (Тунис) араһында хеҙмәттәшлек тураһында килешеүгә ҡул ҡуйылыу ҡаралған.