Հայաստանի կանանց հավաքականը Բուդապեշտում ընթացող շախմատի համաշխարհային օլիմպիադայում զբաղեցրել է 5-րդ տեղը, հայտնում է Շախմատի ֆեդերացիան։ Տղամարդկանց թիմը մրցաշարում զբաղեցրել է 6-րդ տեղը։
Օլիմպիական խաղերի վերջին փուլում Հայաստանի կանանց հավաքականը 3։1 հաշվով հաղթել է Գերմանիայի ընտրանուն։ Վերջին տուրում տղամարդկանց հավաքականը 2,5:1,5 հաշվով հաղթել է Իրանի ընտրանուն։
Մրցաշարի ընթացքում Հայաստանի կանանց հավաքականը հաղթել է Տրինիդադ և Տոբագոյի, Մեքսիկայի, Հունգարիայի, Վիետնամի և Չինաստանի թիմերին, վեցերորդ փուլում պարտվել է Հնդկաստանի թիմին, ապա ոչ-ոքի խաղացել ԱՄՆ-ի, Ուկրաինայի և Իսպանիայի հավաքականների հետ։
Օլիմպիական խաղերում հաղթել է Հնդկաստանի հավաքականը՝ զբաղեցնելով առաջին տեղը տղամարդկանց և կանանց պայքարում։ Տղամարդկանց պայքարում 2-րդ և 3-րդ տեղերը համապատասխանաբար զբաղեցրել են ԱՄՆ-ի և Ուզբեկստանի հավաքականները։ Կանանց մրցաշարում Ղազախստանի հավաքականը զբաղեցրել է երկրորդ տեղը, իսկ ԱՄՆ-ը՝ երրորդը:
Նորություններին հետևեք մեր կայքում, ինչպես նաև Telegram-ում և YouTube-ում