МХО-ла ҡатнашыусыларҙың ғаиләләре өсөн консультациялар үтте

Межгорье ҡалаһында махсус хәрби операцияла ҡатнашыусыларҙың ғаилә ағзалары “Ватанды һаҡлаусылар” фонды филиалының социаль координаторы һәм "Демография" милли проектының "Мәшғүллеккә булышлыҡ итеү" федераль проекты буйынса консультация сиктәрендә халыҡ мәшғүллеге үҙәге белгестәре менән осрашты. "Осрашыу барышында республика һәм ҡала биләмәһендә “Мәшғүллеккә булышлыҡ итеү” федераль проектын тормошҡа ашырыу, шулай уҡ унда ҡатнаша алған граждандарҙың категориялары тураһында ентекләберәк һөйләнек", - тип уртаҡлашты "Ватанды һаҡлаусылар" фондының Межгорьелағы филиалының социаль координаторы Антонина Гайдук. Ул шулай уҡ, махсус хәрби операцияла ҡатнашыусыларға ғына түгел, уларҙың ғаиләләренә лә ярҙам итеү был башланғыстың төп маҡсаты булып тороуын, уларға профессиональ үҫеш һәм заманса шарттарҙа яраҡлашыу өсөн мөмкинлектәр тәьмин итеүен билдәләп, Фондтың ниндәй белем биреү учреждениелары менән хеҙмәттәшлек итеүен билдәләне. Ҡаланың Халыҡ мәшғүллеге үҙәге белгестәре МХО-ла ҡатнашыусылар һәм уларҙың ғаилә ағзалары өсөн “Мәшғүллеккә булышлыҡ итеү” проекты сиктәрендә профессиональ һәм өҫтәмә белем алыу мөмкинлектәрен тәҡдим итте, шулай уҡ тейешле сертификаттарҙы нисек алырға мөмкин булыуын аңлатты. Улар үҙ ғаиләләре өсөн тотороҡло киләсәк булдырыу маҡсатында хеҙмәт баҙарында талап ителгән яңы һөнәрҙәрҙе үҙләштереүҙең мөһимлегенә баҫым яһаны. Осрашыу һуңында ирекле дискуссия ойошторолдо, унда ҡатнашыусылар үҙҙәрен ҡыҙыҡһындырған һорауҙарын бирә һәм индивидуаль консультациялар ала алды, был сараны барыһы өсөн дә тағы ла әһәмиәтлерәк һәм файҙалыраҡ итте. Билдәле булыуынса, “Демография” (национальный проект “Демография”) милли проекты Рәсәй Президенты Владимир Путиндың май указы менән булдырылды. Фото: Межгорье ҡалаһы хакимиәте.