Փաշինյանը Ֆրանսիայում կհանդիպի Մակրոնի և Բարնիեի հետ

Վարչապետ Նիկոլ Փաշինյանը հոկտեմբերի 3-5-ն աշխատանքային այցով մեկնել է Ֆրանսիայի Հանրապետություն, հայտնում են կառավարությունից։

Այցի շրջանակում Փաշինյանը հանդիպումներ է ունենալու Ֆրանսիայի նախագահ Էմանուել Մակրոնի և վարչապետ Միշել Բարնիեի հետ,
մասնակցելու է նաև Ֆրանկոֆոնիայի միջազգային կազմակերպության հերթական գագաթնաժողովին:

Փաշինյանի և Մակրոնի նախորդ հանդիպումը տեղի էր ունեցել հուլիսի 18-ին՝ Բլենհայմյան պալատում։ Նրանք քննարկել էին Հայաստանի և Ադրբեջանի միջև խաղաղության գործընթացը, կարևորել տարածաշրջանում խաղաղության և կայունության ապահովմանն ուղղված ջանքերը։

Նորություններին հետևեք մեր կայքում, ինչպես նաև Telegram-ում և YouTube-ում