Музей адчынілі 1 кастрычніка 2024 года ў Брэсцкім акадэмічным тэатры драмы (БАТД). Гэта падзея адбылася з нагоды юбілея ўстановы культуры: сёлета ёй споўнілася 80 гадоў.
Першую спробу адкрыць у Брэсце прафесійны тэатр распачалі пасля далучэння Заходняй Беларусі да БССР. Тады быў сфарміраваны калектыў Брэсцкага абласнога рускага драматычнага тэатра. Але яго творчасці перашкодзіла Другая сусветная вайна.
Пасля вызвалення Беларусі ад фашысцкіх захопнікаў было прынятае рашэнне аб стварэнні ў Брэсце драматычнага тэатра. Дакумент пазначаны 1 кастрычніка 1944 года: менавіта з гэтага моманту ўстанова культуры адлічвае сваю гісторыю.
Тэатру прысвоілі імя Ленінскага камсамола Беларусі, але гістарычных звестак аб тэатральным жыцці ў горадзе да сярэдзіны мінулага стагоддзі практычна не захавалася. Іх збіралі па троху. Як адзначыла генеральны дырэктар БАТД Ганна Сянькавец, у музеі будуць паказаны перыяды рэканструкцыі брэсцкага тэатра.
“Прадстаўлены макет першапачатковага будынка — гэта быў культурна-спартыўны клуб «Світ». У празрыстай акантоўцы адлюстраваны перыяды яго трансфармацыі”, — распавяла Ганна Сянькавец для БЕЛТА.
Затым адбываецца пераход да гісторыі тэатра пасля маштабнай рэканструкцыі, якая працягнулася больш за пяць гадоў. У 1994 годзе БАТД адкрыўся ў такім выглядзе, у якім ёсць зараз.
У музеі наведвальнікі змогуць даведацца шмат цікавых рэчаў, звязаных з тым, што адбываецца за кулісамі. Напрыклад, прадстаўлены макет сцэны ў разрэзе. Там пазначаны ўсе дэталі: нават рэальная колькасць крэслаў у вялікай зале.
У экспазіцыі знайшлі адлюстраванне знакавыя пастаноўкі, макеты сцэнаграфіі, фатаграфіі заслужаных і народных артыстаў. Дарэчы, у гістарычнай афішы пазначаны ўсе спектаклі, якія былі пастаўлены на сцэне за 80 гадоў існавання Брэсцкага акадэмічнага тэатра драмы.
Асобная ўвага нададзена пастаноўцы «Брэсцкая крэпасць», якая была паказана каля тысячы разоў. Акрамя таго, у экспазіцыі расказваецца аб сімфанічным аркестры БАТД.
Таксама шмат увагі міжнароднаму тэатральнаму фестывалю “Белая Вежа”. У прыватнасці, адлюстраваны знакавыя моманты фестывалю і яго першая афіша. На адмысловай мапе ўказалі Брэст і краін-ўдзельніц, што прыязджалі за 28 гадоў існавання форуму
Дарэчы, сёлетні 81-ы тэатральны сезон у Брэсце ўжо адкрыты. 29 верасня на сцэне БАТД прадставілі прэм’еру — камедыю “Блэз і Мары”.