Сара йыл һайын «Демография» милли проектының (национальный проект “Демография”) «Спорт — тормош нормаһы» федераль проекты маҡсаттарына ярашлы үткәрелә, тип хәбәр иттеләр ҡала хакимиәтендә. Унда Санкт-Петербург, Мәскәү, Ҡазан, Екатеринбург, Новосибирск, Воронеж, Һамар, Түбәнге Новгород, Барнаул, Якутск, Ырымбур, Пермь, Саранск, Нижневартовск, Курск, Салауат һәм башҡа тораҡ пункттарҙан ҡунаҡтар ҡатнашҡан. Ир - егеттәр һәм ҡатын - ҡыҙҙар араһында беренсе старт иң оҙон дистанцияға - 21,1 километрға үткән. Һуңынан ҡатнашыусылар 5 һәм 10, ә һуңыраҡ 2 километрға йүгергән. Финишҡа еткәндәргә ирекмәндәр миҙалдар һәм башҡа бүләктәр тапшырған. Шуны ла билдәләп үтергә кәрәк, йүгереүҙә 50, 100 һәм 200 метр арауыҡта йүгереүсе бәләкәстәр ҙә ҡатнашҡан. «Демография» милли проектының «Спорт — тормош нормаһы» федераль проекты арҡаһында йыл һайын рәсәйҙәрҙең әүҙем һәм сәләмәт йәшәү рәүеше өсөн мөмкинлектәре арта бара. Илдә даими рәүештә күмәк спорт саралары үткәрелә, йорттар янында күнекмәләр өсөн инфраструктура яңыртыла. ГТО комплексы нормативтарын үтәп, теләгән һәр кем үҙенең физик әҙерлек кимәлен бушлай тикшерә ала. Профессиональ һәм балалар-үҫмерҙәр спортын үҫтереү өсөн стадиондарҙы, күп функциялы комплекстарҙы һәм мәктәптәрҙе реконструкциялау, тулыландырыу һәм төҙөү буйынса программалар ҡаралған. Милли проекттар РФ Президенты Владимир Путин ҡарары буйынса 2019 йылдан тормошҡа ашырыла. Фотолар vk.com/sterlikrun төркөмөнән.