Жогорку Кеңештин депутаттары Транспорт каражаттарын каттоо боюнча мамлекеттик агенттикти түзүүгө багытталган “Ички иштер органдары жөнүндө” мыйзамга өзгөртүүлөрдү киргизүү тууралуу мыйзам долбоорун кабыл алышты. Талкууда автомектептердеги окутуунун сапаты, техникалык кароо, мамлекеттик номурлардын баасы жана мопеддерди, таксилерди башкарууну жөнгө салуу боюнча маселелер көтөрүлдү.
🚗 Жогорку Кеңеш “Ички иштер органдары жөнүндө” мыйзамга өзгөртүүлөрдү киргизүү тууралуу мыйзам долбоорун кабыл алды.
📚 Мыйзам долбоорун министрлер кабинетинин төрагасы демилгелеп, Транспорттук каражаттарды каттоо боюнча мамлекеттик агенттиктин директорунун милдетин аткаруучу Рустам Жакоев тарабынан сунушталды.
📝 Документтин негизги максаты – 2023-жылдын сентябрында кабыл алынган Транспорттук каражаттарды жана айдоочулук курамды каттоо боюнча мамлекеттик агенттикти түзүү боюнча президенттин жарлыгын ишке ашыруу.
🔧 Депутат Камила Талиева мамлекеттик жана жеке менчик автомектептердеги билим берүүнүн сапаты боюнча суроолорду көтөрдү.
🔍 Депутат Талайбек Масабиров унааларды техникалык кароодон өткөрүү зарылдыгына көңүл бурду.
💰 Сүйүнбек Өмүрзаков унаалардын мамлекеттик номурларынын баасы тууралуу маалыматты тактады.
🛵 Жылдыз Садырбаева мопед жана мотороллерлерди башкарууну жөнгө салуу маселесин көтөрдү.
🚖 Депутат Чыңгыз Ажыбаев таксисттерге коюлган талаптарга токтолду.
📄 Мирлан Самыйкожо Армениянын мамлекеттик номуру тагылган унааларды каттоо процедурасын жөнөкөйлөтүүнү талкуулоону сунуштады.