Киһи биирдэ олох олорор,
Иккистээн олоруохпутун баҕарбыппыт да иһин кыаллыбат суол,
Олох олорор кэммитигэр хаҕыс тылынан саҥарсыбакка,
Кырыы хараҕынан кынчарыйа көрсүбэккэ,
Ким бэрдин ырыппакка,
Олох очуругар оҕустарбакка,
Сыыһаны халтыны омнуолуу көрбөккө,
Хобу сиби тарҕаппакка,
Куһаҕаны өрүкүппэккэ
Дьону сэргэни элэк оҥостубакка,
Туох тосхол тосхойорунан,
Дьон сиэринэн олох олоруох,
Биирдэ кэлэр олоххо
Сырдык ыралаах,
Сайаҕас санаалаах,
Дьоҥҥо истиҥ сыһыаннаах,
Сылаас дьиэлээх,
Ааты ааттатар ыччаттаах,
Үчүгэйгэ эрэ тардыһыылаах,
Чэгиэн туруктаах,
Үлэттэн дьоллоох,
Алгыс аргыстаах,
Дьол соргу доҕордоох,
Үөрүү үктэллээх.
Табыллыы тосхоллоох,
Ситиһии сиэтиилээх,
Олох аргыс буоллун!