– Һәр халыҡ үҙенең рухи мираҫы – ауыҙ-тел ижады, әҙәбиәте, сәнғәте, йолаларе һәм ғөрөф-ғәҙәттәре менән бай. Бер күргәҙмәлә Бойондороҡһоҙ Дәүләттәр Берләшмәһе илдәренең мәҙәни төрлөлөгөн күрһәтеү ябай эш түгел. Шуға ҡарамаҫтан, китапхана фондтарынан күргәҙмәлә Бойондороҡһоҙ Дәүләттәр Берләшмәһе халыҡтарының тарихына һәм мәҙәниәтенә арналған иң яҡшы һәм йөкмәткеле китаптарҙы тәҡдим итәбеҙ, - ти ойоштороусылар. Күргәҙмәлә төрлө телдә сыҡҡан китаптар менән танышырға мөмкин. Мәҫәлән, ҡаҙаҡ, төркмән, ҡырғыҙ халыҡтарының эпостары, ХХ быуат башында Ҡаҙағстан, Азербайжан, Үзбәкстан һәм башҡа БДБ илдәре биләмәһендә сыҡҡан һирәк осрай торған китаптар, төрлө милләт яҙыусыларының рус, башҡорт һәм татар телдәрендә донъя күргән бик күп китаптары урын алған. Экспозицияны халыҡ ижадына һәм милли кейемдәргә арналған китаптар байытҡан. Сараның маҡсаты – БДБ илдәре халыҡтарының әҙәбиәтен танытыу, китап уҡыу уҡыу мәҙәниәтен үҫтереү һәм әҙәбиәт, мәҙәниәт өлкәһендә бәйләнештәрҙе нығытыу. Иҫегеҙгә төшөрәбеҙ, БДБ илдәренең ижади һәм фәнни интеллигенцияһы форумының ойоштороусылары – БДБ дәүләттәренең Дәүләт-ара гуманитар хеҙмәттәшлек фонды һәм Башҡортостан Республикаһы Хөкүмәте. Фото: БР Әхмәтзәки Вәлиди исемендәге Милли китапхана.