Тәрбиәсе - ул бөтә һөнәрҙәрҙе лә үҙ эсенә алған һөнәр. Уҡытыусы ла, бейеүсе лә, йырсы ла, әкиәт персонажы ла...
Уға мөлдөрәп ҡарап торған күҙҙәргә өмөт сатҡыһы биреүсе, уларҙың күңелен күреүсе, оло йөрәкле кеше ул – тәрбиәсе.
Әлфиә Тимерйән ҡыҙы Хабаева Стәрлетамак башҡорт балалар баҡсаһында 29 йыл тәрбиәсе булып эшлэй. Аҙ ғүмер түгел был. Ошо ваҡыт арауығында әллә күпме баланың күңеленә изгелек орлоғо сәскән, тәрбиәләгән, тиҫтерҙәре менән уйнарға, аралашырға өйрәткән.
Әлфиә Тимерйән ҡыҙы 1995 йылда Стәрлетамаҡ педагогия колледжын тамамлап, 62 -се балалар баҡсаһында хеҙмәт юлын башлап, әлеге көнгә тиклем эшләп йөрөй. Ул шахмат уйыны менән мауыға, ярыштарҙа призлы урындарҙы ала.