Яңы модулле ФАП санитария нормалары һәм ҡағиҙәләрҙең бөтә талаптарына, шулай уҡ медицина ҡорамалдары менән йыһазландырыу стандартына тап килтереп төҙөлгән. Бында тәүге тикшереүҙәр һәм планлы тикшереүҙәр үткәрергә, балаларға прививкалар яһарға, анализдар алырға, ә иң мөһиме – сифатлы ашығыс медицина ярҙамы күрһәтергә мөмкин. Фельдшер-акушерлыҡ пункттары Боғорослан һәм Золотоношка ауылдарында асылды. Стәрлетамаҡ ҡалаһының 1-се ҡала клиник дауаханаһы структураһында һигеҙ амбулатория һәм 48 фельдшер-акушерлыҡ пункты бар. Шихан ауылы халҡының ҡыуанысы менән бүлешергә Башҡортостан Хөкүмәте Премьер-министры урынбаҫары – Башҡортостан Республикаһы Хөкүмәте Аппараты етәксеһе Азамат Абдрахманов та килгәйне. – Һеҙҙе бындай ҙур ваҡиға менән ҡотлайым. Ауыл халҡы өсөн урында табип, медицина хеҙмәткәре булыуы, ошонда уҡ беренсел медицина ярҙамын алыуы мөһим мәсьәлә. Яңы фельдшер-акушерлек пункты был мәсьәләләрҙе хәл итергә ярҙам итер, шуға бөгөн мөһим көн. 2019 йылдан алып республикала 40-ҡа яҡын ФАП төҙөлдө, был эш артабан да дауам итәсәк, - тип белдерҙе Азамат Фәрит улы ауыл халҡын ҡотлап. Бәхетленең шатлығы ҡуш килә тигәндәй, райондың тағы бер нисә ауылы яңылыҡтарға бай булды. Владимир Путиндың "май указдары" сиктәрендә Парковка ауылы һыу системаһы тоташтырылды, ә Яңы Баратино һәм Мариинский ауылдарының яңы урамдары электр энергияһы менән тәьмин ителде. Был, әлбиттә, ауыл халҡының һаулығын нығытыуҙа, йәшәйешен яҡшыртыуҙа ҡыуаныслы ваҡиғалар. ФЕКЕР Рита СӘМИҒУЛЛИНА, Стәрлетамаҡ районы башлығы: – Был фельдшер-акушерлыҡ пукнты урындағы халыҡты медицина хеҙмәтләндереүе сиктәрендә кәрәкле звено булып тора. Быға тиклем районда ике фельдшер-акушерлыҡ пунктын асыу тантанаһы үткәйне. Был шулай уҡ “Һаулыҡ һаҡлау” милли проектының “Беренсел звеноны яңыртыу” төбәк программаһы ярҙамында мөмкин булды. Радий Фәрит улына, республика етәкселегенә районға булған иғтибар өсөн ҙур рәхмәтебеҙҙе белдерәбеҙ.