“Ҡатын-ҡыҙ бәхете биләмәһе” тип исемләнгән Бөтә Рәсәй асыҡ академияһы Нуриман районында йәшәгән гүзәл заттарҙы бергә йыйҙы. Сара сиктәрендә Красная Горка ауылының Мәҙәниәт йортонда лекторийҙар, оҫталыҡ дәрестәре, белгестәрҙең ҡабул итеүҙәре ойошторолдо. Көҙгө көндөң йылы һәм матур булыуы ғына түгел, ә ҡатнашыусыларҙың йылмайыуы, берҙәмлектең, яңы танышыуҙарҙың йылы мөхите, тәьҫораттар ҙа ҡояшлы буяуҙар менән уйнаны. “Хәйерле көн, ҡәҙерле сарала ҡатнашыусылар, Нуриман районында ҡатын-ҡыҙ бәхете биләмәһе ҡунаҡтары! Беҙ барыбыҙ ҙа эргәлә үҙебеҙҙе уңайлы һәм хәүефһеҙ тойған кешеләр менән бергә булырға теләйбеҙ. Проектта ҡатнашыусыларҙың, ойоштороусыларҙың, спикерҙарҙың барыһы ла һәр ҡатын-ҡыҙ өсөн ышаныслы мөхит һәм кәйеф булдырғандыр тип ышанам. Бында килеүселәрҙең барыһы ла үҙҙәре өсөн ниндәйҙер файҙалы, ҡыҙыҡлы, мөһим нәмә тапһын ине. Беҙ үҙ сиратыбыҙҙа иң яҡшы белгестәрҙе алып килергә тырыштыҡ, улар үҙ эшен һөйөү менән башҡара. Нимә генә эшләһәк тә, беҙҙән, ҡатын-ҡыҙҙарҙан, күп нәмә тора. Шуға күрә беҙгә барыһын да һөйөү менән эшләү бик мөһим», - тип сәләмләне ҡатнашыусыларҙы Асыҡ академия авторы, «Бәхет биләмәһе» хәйриә фондының попечителдәр советы рәйесе Каринэ Хәбирова. Йола буйынса, «Үҙ-үҙеңде танып белеү территорияһы» ҡатын-ҡыҙ һаулығы, йәшлеге, матурлығы, ғаиләләге үҙ-ара мөнәсәбәттәр тураһындағы актуаль темаларға лекциялар менән байытылды. 6-сы балалар поликлиникаһының баш табибы Лиана Савина һаулыҡты һаҡлау һәм йәшлекте оҙайтыу тураһында һөйләне. Тыныслыҡты һәм хәтерҙе һаҡлау, хәүефкә һәм стрессҡа бирелмәү тураһында теорияны һәм практиканы тыңлаусыларға клиник психолог, психоаналитик Юлиә Хәкимова бирҙе. Стилләштерелгән образдар ярҙамында тормошта уңышҡа нисек өлгәшеү тураһында практик лекцияны шәхси стилист Виктория Логинова үткәрҙе. «Профессиональ үҫеш биләмәләре» спикерҙары уҡытыусыларҙы һәм табиптарҙы уҡытыуға - һөнәри оҫталыҡты һәм шәхси сифаттарҙы үҫтереүгә махсус лекциялар уҡыны. М.Аҡмулла исемендәге Башҡорт дәүләт педагогия университетының психология факультеты деканы, БР Мәғариф һәм фән министрлығының баш штаттан тыш педагог-психологы Лилиә Халиҡова уҡытыусылар өсөн «Балаларҙың көс ҡулланыуын иҫкәртеү» һәм «Үҫмерҙе нисек яҡшыраҡ аңларға һәм дөрөҫ үҙ-ара мөнәсәбәттәр төҙөргә» темаларына лекторий, шулай уҡ «Профессиональ яныуҙы иҫкәртеү шарттары булараҡ эмоциональ үҙкөйләү оҫталығын үҫтереү» оҫталыҡ класын үткәрҙе. Табиптар өсөн «Эмоциональ сығыуҙы иҫкәртеү» лекцияһын тандемда психолог һәм табип Лиана Савина ойошторҙо. «Сәләмәтлек биләмәләре»ндә алдан яҙылыу буйынса республиканың алдынғы белгестәре: онколог-мамолог, ревматолог, гастроэнтеролог, эндокринолог, флеболог; балалар неврологы, балалар гастроэнтерологы, балалар аллергологы; РАС менән балалар өсөн менталь сәләмәтлек үҙәге белгестәре һәм Өфөнөң 3-сө балалар стоматология поликлиникаһы стоматологтары бушлай консультациялар уҙғарҙы. Халыҡ-ара һәм бөтә Рәсәй конкурстары лауреаты Вилдан Абраровтың концерты матур сараны йәнә сағыу кисерештәр менән байытты һәм һөйкөмлө ҡатын-ҡыҙҙарға бүләк булды. Асыҡ академияның саралары Башҡортостан Республикаһы Башлығы гранттары фонды булышлығында уҙа. Фото: "Башинформ"