“Башҡортостан” гәзитенең "Бәйләнештәге" төркөмөндәге дуҫтарыбыҙ араһында Яҡтыкүл буйындағы “Березки” ял йортона 7 көнгә иҫәпләнгән 2 кешелек юллама уйнатыу тураһында хәбәр иткәйнек. Ниһайәт, бүләк үҙ хужаһын тапты! Ул - Учалы районынан Рәйлә Дауытова (https://vk.com/id97585437?from=search) Рәйлә апай уйын хаҡындағы иғланды үҙ битләүенә күсергән, "Башҡортостан" гәзитенең "Бәйләнештә" селтәрендәге төркөмөнә (https://vk.com/gazetabashkortostan) һәм “Башҡортостан” гәзитенең Телеграмдағы каналына (https://t.me/bash_news102) ҡушылған. Еңеүсе махсус программа ярҙамында автоматик рәүештә билдәләнде (уйын һөҙөмтәһенең скриншоттары һалына). Рәйлә Дауытоваға һаулығын нығытып, хозур тәбиғәт ҡосағында көс, дәрт туплап ҡайтырға яҙһын!