Игорь Комаров: "Ентекле үҫеш программаһы тәҡдим ителде"

Бөгөн Башҡортостан Башлығы Радий Хәбировтың вазифаһын үтәй башлауға арналған тантанала Рәсәй Президентының Волга буйы федераль округындағы Тулы хоҡуҡлы вәкиле Игорь Комаров ҡатнашты. Ул тантанала сығыш яһаны, аҙаҡ был ваҡиға буйынса тәьҫораттары менән уртаҡлашты. – Һайлауҙар ваҡытында, законлы, асыҡ үтте, бөтә хәүефһеҙлек талаптарын тәьмин итте, шуға күрә, мөмкинлектән файҙаланып, барлыҡ ҡатнашыусыларға: һайлау комиссияларына, власть органдарына, хоҡуҡ һаҡлау структураларына, уларҙы үткәреү өсөн яуап биргән һәм уңайлы шарттар тыуҙырған кешеләргә рәхмәт белдерәм. Халыҡ үҙ фекерен белдерҙе, тауыш бирҙе, беҙ Радий Фәрит улына ышаныстың юғары кимәлен күрҙек. Был – республика Башлығының һәм уның командаһының эшен баһалау. Илдә үтә мөһим урын биләгән төбәктең етәксеһенең икенсе срокка һайланыуы бик яҡшы тип уйлайым. Ысынлап та, беҙ иҡтисадта һәм социаль өлкәлә, мәҙәниәттә, сәнәғәттә бик ҙур уңыштар күрәбеҙ. Беренсе биш йыллыҡта башланған проекттарҙың тиҙләтелеүе, уларҙы тормошҡа ашырыуҙың алдағы осорҙа ла дауам итеүе бик һәйбәт. Радий Фәрит улының сығышында артабанғы үҫешкә ҙур иғтибар бүленде, ысынында иһә беҙ аныҡ һандар менән ентекле үҫеш программаһын күрҙек. Башҡортостан Башлығына уңыштар теләйем, бөгөн кешеләргә тәҡдим иткән программа үтәлер һәм халыҡ республика үҫешендә, уларҙың тормошон яҡшыртыуҙа яңы уңыштарҙы, яңы һөҙөмтәләрҙе күрер тип ышанам, - тине ул. Фото: Башҡортостан Башлығы сайты.