К преподобному Александру Свирскому, память которого Церковь празднует 12 сентября, обращаются с молитвой в болезнях и житейских проблемах, просят о помощи в обретения работы и крепкой веры, исцелении больных и раненых, спасении тех, кто находится в беде.
Ему молятся бездетные пары с молитвой о рождении ребенка, особенно сыновей. Святому не раз кланялись царственные супруги, испрашивая ходатайства у Бога в рождении наследника.
Также по традиции, к великому подвижнику и чудотворцу обращаются за помощью пленные и заключенные, нередко родители молят преподобного о вразумлении непутевых и заблудших детей. Святой Александр Свирский издавна почитается как небесный заступник от греховных мыслей и происков бесовских сил. Мои дорогие, сохраните для себя эти молитвы и обязательно помолитесь.
Молитва:
О свяще́нная главо́, А́нгеле земны́й и челове́че небе́сный, преподо́бне и богоно́сне о́тче наш Алекса́ндре, изря́дный уго́дниче Пресвяты́я и Единосу́щныя Тро́ицы, явля́яй мно́гия ми́лости живу́щим во святе́й оби́тели твое́й и всем, с ве́рою и любо́вию притека́ющим к тебе́! Испроси́ нам вся благопотре́бная к житию́ сему́ вре́менному, и ну́жная к ве́чному спасе́нию на́шему. Посо́бствуй предста́тельством твои́м, уго́дниче Бо́жий, пред Го́сподем на враги́ ви́димыя и неви́димыя. Ве́рных рабо́в Его́, в ско́рби и печа́ли день и нощь вопию́щих к Нему́, многоболе́зненный вопль да услы́шит и да изведе́т от поги́бели живо́т наш, да в ми́ре глубо́це пребу́дет Свята́я Правосла́вная Це́рковь Христо́ва, и в благострое́нии зи́ждется Оте́чество на́ше, во вся́ком благоче́стии неруши́мо. Бу́ди всем нам, чудотво́рче святы́й, помо́щник ско́рый во вся́кой ско́рби и обстоя́нии, наипа́че же в час кончи́ны на́шея яви́ся нам засту́пник благосе́рдый, да не пре́дани бу́дем на мыта́рствех возду́шных вла́сти зло́бнаго мироде́ржца, но да сподо́бимся непреткнове́ннаго восхо́да в Ца́рствие Небе́сное. Ей, о́тче, моли́твенниче наш при́сный! Не посрами́ упова́ния на́шего, не пре́зри смире́нная моле́ния на́ша и предста́тельствуй за нас пред престо́лом Живонача́льныя Тро́ицы, да сподо́бимся вку́пе с тобо́ю и со все́ми святы́ми мы, недосто́йнии, в селе́ниих ра́йских сла́вити вели́чие, благода́ть и ми́лость еди́наго в Тро́ице Бо́га, Отца́ и Сы́на и Свята́го Ду́ха, во ве́ки веко́в. Ами́нь.
Молитва преподобному Александру Свирскому, читаемая в обители у мощей:
О преподо́бне и богоно́сне о́тче наш Алекса́ндре! Смире́нно припа́дающе к ра́це честны́х твои́х моще́й, мо́лим тя приле́жно, воздви́гни ру́це твои́ о нас гре́шных, ко Влады́чице на́шей Богоро́дице и Присноде́ве Мари́и, я́ко да помяне́т дре́вния ми́лости Своя́, и́миже обеща́лася неотсту́пна бы́ти от оби́тели твоея́; и пода́ст нам си́лу и кре́пость на враго́в душе́вных, отводя́щих нас от пути́ спаси́тельнаго, да я́вльшеся о́ных победи́тели, в день Стра́шнаго Суда́ услы́шим от тебе́ похва́льный о́ный глас: Се аз и де́ти, я́же дал ми еси́, Бо́же! И побе́дный вене́ц от победи́теля враго́в Христа́, Сы́на Бо́жия восприи́мем, и насле́дие ве́чных благ ку́пно с тобо́ю полу́чим, воспева́юще Пресвяту́ю Тро́ицу, Отца́ и Сы́на и Свята́го Ду́ха, и твое́ ми́лостивое предста́тельство и заступле́ние, ны́не и при́сно и во ве́ки веко́в. Ами́нь.
☦️ Позитивный Батюшка ☦️ Священник Антоний Русакевич - подпишитесь