Хәҙер мутлашыусылар үҙҙәрен торлаҡ-коммуналь өлкәһендәге хеҙмәткәрҙәр тип таныштыра башлаған. Өфө ҡалаһы буйынса 6-сы полиция бүлегенә 75 йәшлек пенсионер мөрәжәғәт иткән. Зыян күреүсе мессенджерҙарҙың береһендә билдәһеҙ номер шылтыратып, үҙен торлаҡ-коммуналь өлкәләге компанияның хеҙмәткәре тип таныштырыуы хаҡында һөйләгән. Шылтыратыусы йәнәһе лә яңылыҡ тураһында хәбәр иткән. Уның һүҙҙәренсә, республикалағы барлыҡ оло йәштәгеләр өсөн иҫәпләү приборҙары күрһәткестәрен тапшырыу уңайлылығы өсөн ҡушымта әҙерләнгән. “Хәҙер ойошмаға шәхсән мөрәжәғәт итеү талап ителмәй, ә программаға мәғлүмәт индереү генә етә”, – тип ышандырған ул. Ҡушымтаны телефонға күсереү өсөн енәйәтсе үҙенең ярҙамын тәҡдим иткән. Һөҙөмтәлә мутлашыусы пенсионерҙы телефонда экранды күрһәтеү функцияһын тоташтырырға күндерә. Телефон менән ситтән тороп “идара иткәс”, белгес пенсионерҙың мобиль банкыһының ҡушымтаһына инә. Быны ул смс-кодтар ярҙамында башҡарған. Иҫәптә ҙур сумма күргәс, аферист 500 мең һумды үҙенә күсергән. Ар