Рәсәй Федерацияһының Беларусь Республикаһындағы Сауҙа вәкиллеге ҡарамағындағы Башҡортостан Республикаһы вәкиле Константин Климин булышлығында Башҡортостандың 11 компанияһы биш урындағы предприятиела булды һәм Гомель ойошмалары вәкилдәре менән 60-тан ашыу осрашыу үткәрҙе. Ошо осрашыуҙар барышында хеҙмәттәшлектең төрлө варианттары тикшерелде. Был хаҡта БР тышҡы иҡтисади бәйләнештәр һәм конгресс эшмәкәрлеге министры вазифаһын башҡарыусы Маргарита Болычева һөйләне. – 60-тан ашыу осрашыу үткәреү һөҙөмтәһендә импорт һәм производство, ауыл хужалығы техникаһын хеҙмәтләндереү үҙәген булдырыу, фәнни проекттар, етештереү линияларын яңыртыу өсөн ҡорамалдар эшләү, шулай уҡ башҡа йүнәлештәге хеҙмәттәшлекте тикшерҙек. Башҡортостандың бизнес-берләшмәһе Гомель өлкәһе менән бәйләнештәрҙе нығытыу менән ҡыҙыҡһына, – тип һөйләне Маргарита Болычева. Осрашыуҙар һөҙөмтәһендә “Ремдизельснаб” предприятиеһында белорус ауыл хужалығы техникаһын сервис хеҙмәтләндереү буйынса майҙансыҡ асыу тураһында килешеүгә өлгәшелде. “Урал пружина заводы” һәм “Гомсельмаш” тәьмин итеүсене хуплау маҡсатында продукцияның тәжрибә партияларын тәьмин итеү тураһында килешеү төҙөнө. “Гомсельмаш” предприятиеһының генераль директоры Александр Новиков артабанғы хеҙмәттәшлек пландары менән уртаҡлашты: – Беҙҙә предприятиела Башҡортостан Республикаһынан делегация булды. Улар менән техникабыҙҙы һатыу буйынса тығыҙ эшләүҙән тыш, Башҡортостан баҙарында ла беҙҙең техника ярайһы уҡ күп. Беҙ артабан да мөмкин булған кооперацион үҫеш тураһында һөйләштек. Ул – Башҡортостан Республикаһында эшләйәсәк техника етештереү өсөн конвейерға төрлө материалдар һәм төрлө компоненттар килтереү. “Могилев вагондар эшләү заводы” вәкилдәре менән 2025 йылда хеҙмәттәшлек перспективалары һәм уны дауам итеү, шулай уҡ киләһе йылда тауар әйләнешен 200 миллион һумға тиклем арттырыу мөмкинлектәре тикшерелде. Осрашыуҙар һөҙөмтәһендә хеҙмәттәшлектең башҡа мөмкинлектәре лә тикшерелде.Фото: pravitelstvorb.ru