Һайлауылар “Дәүләт хеҙмәттәре” порталы һәм “Мобиль һайлаусы” ҡушымтаһын әүҙем файҙалана

Бөгөн Башҡортостанда һайлау көнөндә студенттар араһынан тауыш бирергә теләүселәр бик күп, шул иҫәптән “Дәүләт хеҙмәттәре” порталы һәм “Мобиль һайлаусы” ҡушымтаһын әүҙем файҙаланалар. Был хаҡта “Башҡортостан Башлығын һайлау-2024” йәмәғәт матбуғат үҙәгендә Аҡмулла исемендәге Башҡорт дәүләт педагогия университеты проректоры Радик Юлбаев һөйләне. – Бөгөн күп студенттар үҙ муниципалитеттарына бара алмай, сөнки улар республиканың алыҫ райондарынан. Һәм заманса һанлы мөмкинлектәр уларға Өфөлә тауыш биреү мөмкинлеген бирә. Тағы ла шуны билдәләп үтергә теләйем: һайлау студенттарға уҡыу процесында ҡамасауламай. Әлегә процент нисбәтендә иҫәпләүҙәр алып барылмаған, әммә беҙ студенттарҙың һайлауға килеүе юғары булыуын күрәбеҙ. Беҙ быны бөгөн иртән, шулай уҡ бында килер алдынан күҙәттек, — тине Радик Юлбаев. Беренсе курс студенттары араһында ла ижтимағи-сәйәси тормошта әүҙем ҡатнашыу теләге күҙәтелә, тип билдәләне ул. Радик Юлбаев һүҙҙәренсә, беренсе курс студенттары үҙҙәренең уҡытыусыларына килеп, һайлау процесы менән ҡыҙыҡһынған. Радик Юлбаев шулай уҡ хәҙерге студенттарҙың 90-сы йылдарҙа һайлауҙарға йөрөгән тиҫтерҙәренән, хәҙер 30–40 һәм унан да күберәк йәштәгеләрҙән айырылып тороуы тураһында үҙ фекерен белдерҙе. – Беренсе курс студенттарына килгәндә, уларҙың сәйәси әҙерлек кимәлен белергә генә кәрәк. Юғары курс студенттары иһә яҙ һайлауҙарында уҡ уларҙың һайлауҙарға әҙер булыуын күрһәтте. Шул уҡ ваҡытта быуындарҙы сағыштырырға ярамай. Мин шулай тип иҫәпләйем. Хәҙерге йәштәргә бер ҡасан да тәнҡит менән ҡарарға ярамай, уларҙы аңлай белергә кәрәк, — тине Радик Юлбаев. Өфө фән һәм технологиялар университеты проректоры Эльвира Ямалова, юғары уҡыу йорттарына йәмғиәтте өйрәнеү буйынса юғары балл йыйған абитуриенттар уҡырға инә, тип өҫтәне. – Әле уҡыған студенттар өсөн яңы Рәсәй дәүләтселеге модулдәре индерелгән. Иҡтисади һәм техник йүнәлештә программаны тәүге ике йылда өйрәнәләр. Политология, социология, философия — бөтә фәндәр батшабикәһе, дөрөҫ һайлау һәм сәйәсәттән ситтә ҡалмау өсөн ҡеүәтле нигеҙ бирә, — тине Эльвира Ямалова. Фото: “Башҡортостан Башлығын һайлау-2024” йәмәғәтматбуғат үҙәгенән. #ВыбираемГлаву #Выборы2024 #Башкортостан