“Рәхмәт” традицион акцияһының тәүге 30 еңеүсеһе билдәле, улар барыһы ла – бөгөн 14.00 сәғәттә QR-билеттәрен рахмат102-рф сайтында теркәгән булған. Тәүге приз – кофемашина – Өфө ҡалаһы һайлаусыһына эләкте. Ғаилә өсөн бик кәрәкле булған мультиварканы ла баш ҡала вәкиле отто. Тағы ла бер баш ҡала кешеһе һәм Балтас районында йәшәүсе термопот аласаҡ. Дүртөйлө, Учалы, Миәкә, Туймазы райондары һәм Стәрлетамаҡ ҡалаһы һайлаусыларынан биш кеше робот-саң һурҙырғыс отто. “Лукошко” сауҙа селтәре магазиндарында 4-әр мең һумлыҡ тауар алыуға сертификат Сибай ҡалаһы, Шишмә, Асҡын, Стәрлатамаҡ һәм Бөрйән райондарында йәшәүселәргә эләкте. Бүздәк районы һәм Өфө ҡалаһынан берәр кешене планшеттар көтә. Тағы ла бер ноутбукты Өфө кешеһе аласаҡ. Ә бына Мәсетле районы һәм Өфө ҡалаһынан берәр кешене ҙур телвизорҙар көтә. Яңы смартфон эйәләре Өфө, Илеш һәм Стәрлатамаҡ райондарында йәшәй булып сыҡты. Нефтекама, Өфө һәм Күмертау ҡалаһына аҡыллы колонкалар оҙатыласаҡ, ә Стәрлатамаҡ һайлаусыһы үҙе отҡан велосипед ярҙамында сәләмәтлеген нығыта аласаҡ. Бынан алда төрлө сайттарҙа рекламаланған квадроциклдың эйәһе ҡайҙа йәшәй? Илеш районында! Бөгөн кис ҡиммәтле приздар отошо сираттағы тапҡыр уйнатыласаҡ. Автор фотоһы.