2019 йылдан Башҡортостанда, “Торлаҡ һәм ҡала мөхите” милли проектының (национальный проект «Жильё и городская среда») “Стимул” программаһына ярашлы, яңы торлаҡ биҫтәләрендә 18 километрҙан ашыу юл төҙөлдө. - Торлаҡ төҙөлөшө үҫешен стимуллаштырыу буйынса федераль программа тормошҡа ашырыла башлағандан алып, уны ғәмәлгә индереүҙә Башҡортостан әүҙем ҡатнаша, республикала 19 юл төҙөлдө һәм үҙгәртеп ҡоролдо. Өфөләге, Стәрлетамаҡтағы һәм Нефтекамалағы кварталдар араһындағы һәм эсендәге, туҡталҡалы павильондары булған, дөйөм ҡала тәғәйенләнешле юлдар - яҡтыртылды. Биш йыл эсендә яңы урамдар төҙөлдө һәм 2,5 миллион квадрат төҙөү стимулына әүерелде, - тип белдерҙе республиканың төҙөлөш һәм архитектура министры вазифаһын атҡарыусы Артем Ковшов. Әйткәндәй, август аҙағында Өфөнөң Октябрьский районында Архитектор Рехмуков урамы асылды. Был – Архитектор Рехмуков һәм Муса Гәрәев урамдарын төҙөү эштәренең икенсе этабы. Был эштәр 2023 йылдан торлаҡ төҙөлөшө үҫешен стимуллаштырыу программаһы буйынса атҡарылды. Бер километр оҙонлоғондағы юлдар Комсомол һәм Рудольф Нуриев урамдарын тоташтырҙы. Биш йыл эсендә Рәсәй Президенты Владимир Путиндың май указдарына ярашлы барлыҡҡа килгән “Торлаҡ һәм ҡала мөхите” милли проектының (национальный проект “Жилье и городская среда”) “Стимул” программаһы буйынса атҡарыла. Сығанаҡ, фото: БР Төҙөлөш һәм архитектура министрлығы.