Башҡортостанда һайлау башланыу менән республикала тауыш биреү барышын оператив рәүештә яҡтыртыу өсөн “Башҡортостан Башлығын һайлау – 2024” йәмәғәт матбуғат үҙәге эш башланы. Журналистарҙың эше Рәсәй һәм Башҡортостан гимндарын тыңлау менән башланды. Матбуғат үҙәге эшен Башҡортостандың Йәмәғәт палатаһы рәйесе Данияр Абдрахманов менән Журналистар союзы рәйесе, “Башҡортостан” гәзитенең баш мөхәррире Вәдүт Исхаҡов асты. – Йәмәғәт матбуғат үҙәге һәр һайлау кампанияһында ошондай форматта эшләй. Беҙ журналистар менән бергә республикала тауыш биреүҙең нисек барыуын күрһәтәсәкбеҙ. Тура бәйләнештәр буласаҡ. Мәҫәлән, иреге сикләнгән, сирләгән кешеләр хоҡуҡтарын нисек үтәйәсәк, һуңғы һандар тураһында мәғлүмәттәр... Йәмәғәт матбуғат үҙәге өс көн дауамында тәүлек әйләнәһенә тиерлек эшләйәсәк, – тине Данияр Абдрахманов. Башҡортостан Журналистар союзы рәйесе Вәдүт Исхаҡов әйтеүенсә, республикала 2300 самаһы журналист бар һәм уларҙың кәмендә яртыһы һайлауҙарҙы яҡтыртыу буйынса эшләйәсәк. Шуның менән бе