Дыуан районының "Мәҙәниәт" милли проекты сиктәрендә һатып алынған автоклубы "Тыуған илебеҙҙе данлайыҡ!" концерт программаһы менән Суртан һәм Салғыя ауылдарында булды. Концерт программаһында "Васильки" ҡатын-ҡыҙҙар вокаль ансамбле, "Виолана" бейеү төркөмө, солистар, вокаль дуэттар ҡатнашты һәм бер кемде лә битараф ҡалдырманы. Артистар ошо ауылдарҙың тамашасыларына Рәсәй, тыуған төйәге – ауыл, мөхәббәт, илһөйәрлек хаҡында йырҙар бүләк итте. Ауыр эш көнөнән һуң кешеләр ял итә һәм буш ваҡытын мәҙәни яҡтан үткәрә алды. Хәҙер автоклуб ярҙамында саралар тулыһынса яҡтыртыла – автоклуб дизель-генераторҙар, шулай уҡ автономлы электр энергияһы сығанаҡтары менән йыһазландырылған. Бынан тыш, күсмә үҙәктәрҙе интернет менән йыһазландырыу иҫәбенә мәҙәни сараларҙы онлайн трансляциялауҙы ойошторорға мөмкин. "Мәҙәниәт йорто хеҙмәткәрҙәре артистарҙы хуплап килгән тамашасыларға, художестволы үҙешмәкәрлектә ҡатнашыусыларға, килеүселәрҙе ойошторған һәм йылы ҡабул иткән коллегаларға, автоклуб эшен яйға һалған һәм профессиональ хеҙмәтләндергәндәре өсөн барыһына ла рәхмәт белдерә!" - тип билдәләне Салғыя мәҙәниәт йорто мөдире Юлиә Волкова. Билдәле булыуынса, “Мәҙәниәт” (национальный проект “Культура”) милли проекты Рәсәй Президенты Владимир Путиндың май указы менән булдырылды. Фото: Дыуан районы хакимиәте.