Беҙҙең республика юлдарҙы норматив хәлгә килтереү, транспорт хәрәкәтен уңайлыраҡ итеү мәсьәләләрен әүҙем хәл итә һәм был күрһәткестәр буйынса Рәсәй төбәктәре араһында даими рәүештә алдынғы урындарҙы биләй. Башҡортостан Башлығы Радий Хәбиров был тармаҡтағы бөтә планлаштырылған эштәрҙе гел контролдә тота, төҙөлөш урындарында йыш була. Ул объекттарҙа етәкселәр һәм эшселәр менән аралаша, һөҙөмтәлә эште тиҙләтеү һәм сифатын яҡшыртыу буйынса тәҡдимдәр туплана. Шул иҫәптән Көнсығыш сығыу юлы проекты ла билдәләнгән ваҡытта тормошҡа ашырылды. Төҙөлөш материалдарына хаҡтарҙың артыуына һәм Көнбайыштың санкция сәйәсәтенә ҡарамаҫтан, Өфөлә Көнсығыш сығыу юлын төҙөү графикка ярашлы барҙы. Стәрлетамаҡты урап үтеү юлын файҙаланыуға тапшырыуға әҙерлек тә ҡыҙыу бара. Федераль юл агентлығы етәксеһе Роман Новиков билдәләүенсә, Р-240 юлының Стәрлетамаҡты урап үтергә тейешле урынындағы участкаһы үтә мөһим. “Беҙ бөгөн бындағы барлыҡ эштәрҙе башҡарырға әҙербеҙ”, – тине ул. Башҡортостан Башлығының сығыштарында