Махсус хәрби операция тормошобоҙҙо, кешеләрҙе ике өлөшкө бүлде - тылдағы һәм алғы һыҙыҡтағы. Ошо ике араны туғанлыҡ, һөйөү, илһөйәрлек, Ватан тоташтыра. Күгәрсен районынан Арсен Рөстәм улы ла ата менән ул араһындағы бәйләнештең ни тиклем ҡәҙерле икәнен яҡшы аңлай. Шулай булмаһа, Арсен ағай инде бишенсе тапҡыр гуманитар йөк ылауы менән махсус хәрби операция биләмәһенә юлланмаҫ ине. Арсен ағайҙың улы Марсель махсус хәрби операция биләмәһендә хеҙмәт итә. Атай кеше улын күрер, ҡосаҡлар өсөн бер тәүлектә меңәрләгән саҡрым юл үтә. Арсен Рөстәм улы башта үҙенең “Ситроене С5” машинаһында махсус хәрби операция биләмәһенә аҙыҡ-түлек һәм йылы әйберҙәр ташый, хәҙер иһә – рация, квадрокоптерҙар. Район халҡы ваҡытын һәм аҡсаһын йәлләмәйенсә, хәлдәренән килгәнсә ярҙам итә. Өлөшләтә мобилизация башланғас, Марсель үҙ теләге менән фронтҡа киткән. Ут “Камчатка” позывнойын ала. Өйҙә яугирҙе һигеҙ йәшлек ҡыҙы Эльвина көтә. Быйыл "Камчатка" генерал Шайморатов исемендәге миҙал менән бүләкләнде. Хәтерегеҙгә төшөрәбеҙ, контракт төҙөү мәсьәләләре буйынса республика халҡы берҙәм 177 белешмә номеры буйынса, Ситуация үҙәгенә 122 йәки (347) 218-19-19-19 телефондары аша, “Минең документтарым” күп функциялы үҙәктең яҡындағы офисына мөрәжәғәт итә ала. Шулай уҡ булған һорауҙарға яуапты башбат.рф сайтында, контракт буйынса хәрби хеҙмәткә инергә теләүселәр өсөн һәм уларҙың ғаилә ағзаларына социаль ярҙам саралары тураһында "Телеграм"да мәғлүмәт таба алаһығыҙ.Башҡортостанда контракт буйынса хәрби хеҙмәткә йыйыу дауам итә. Мобиль пункттар республиканың барлыҡ ҡала һәм райондарында эшләй. Бында йыйыу тәртибе, льготалар һәм түләүҙәр тураһында консультация бирәләр, ниндәй документтар кәрәклеген аңлаталар. Дәүләт менән килешеүҙе пенсияға сыҡҡан запастағы хәрбиҙәр, саҡырыу буйынса сроклы хеҙмәттән һуң эшенән киткәндәр, шулай уҡ армияла булмаған, ләкин юғары йәки урта профессиональ белем алған ир-егеттәр ҙә төҙөй ала. Рядовойҙан алып прапорщикка тиклем контракт буйынса хәрби хеҙмәткә 65 йәшкә тиклемге ир-егеттәр ҡабул ителә. Фото: https://t.me/bashbat02/7737