Салауат районының Мөрсәлим ауылында 70 йәшлек өләсәй үҙ ҡулдары менән йорт һала, тип хәбәр итә “На земле Салавата” гәзите. “Бетон ҡоям, кирбес һалам – барыһы ла ҡулдан килә! – ти Анфиса Шәрифйән ҡыҙы. – Ярҙамсыларым күп, ҡыҙҙарым, кейәүҙәрем, ейәндәрем һәр саҡ ярҙам итергә әҙер”. Анфиса Усманова йәш сағында йөк машинаһы водителе булып эшләгән, аҙаҡ төҙөүсе һөнәрен үҙләштергән. Үзбәкстанда, шунан Мәскәүҙә йәшәгән. Тирмән ауылында көн иткән пенсионер хәҙер Мөрсәлимдә ҙур йорт һалыу менән мәшғүл. Үҙе өсөн түгел, ҡыҙҙарының береһе өсөн шундай ҙур бүләк әҙерләмәксе. Ә был ғәжәп өләсәйҙең 13 ейәне һәм ике бүләһе бар! Фото: https://vk.com/club175284210