Старый стиль
21 августа
ВТОРНИК
Новый стиль
3 сентября
Седмица 11-я по Пятидесятнице
Поста нет.
Попразднство Успения Пресвятой Богородицы;
Тропарь, глас 1
В рождестве́ де́вство сохрани́ла еси́,/ во успе́нии ми́ра не оста́вила еси́, Богоро́дице,/ преста́вилася еси́ к животу́, Ма́ти су́щи Живота́,// и моли́твами Твои́ми избавля́еши от сме́рти ду́ши на́ша.
Кондак, глас 2
В моли́твах неусыпа́ющую Богоро́дицу/ и в предста́тельствах непрело́жное упова́ние/ гроб и умерщвле́ние не удержа́ста:/ я́коже бо Живота́ Ма́терь/ к животу́ преста́ви// во утро́бу Всели́выйся присноде́вственную.
Апостола от 70-ти Фадде́я (ок. 44);
Тропарь, глас 2
Днесь Еде́с град весели́тся,/ прие́м тобо́ю Креще́ния ба́ню,/ и А́вгарь, страсте́й премене́н, твою́ па́мять сла́вит./ С ни́миже пое́м и мы:/ весе́лия духо́внаго испо́лни живо́т наш/ и стра́сти исцели́,// Фадде́е апо́столе, моли́твами твои́ми.
Кондак, глас 4
Я́ко звезду́ пресве́тлую/ Це́рковь тя стяжа́,/ апо́столе Фадде́е,/ чудесы́ твои́ми всегда́ просвеща́ема,// спаси́ ве́рою чту́щия па́мять твою́.
мученицы Ва́ссы и чад ее, мчч. Фео́гния, Ага́пия и Писта (305–311);
преподобного Авраа́мия Смоленского, архимандрита (XIII);
Тропарь, глас 8
Днесь возсия́ нам па́мять твоя́, сла́вне, я́ко со́лнце,/ светоза́рно луча́ми озаря́ющая мир/ и тьму но́щи злых духо́в от нас отгоня́ющая./ Днесь Небе́сныя си́лы святы́х А́нгел/ и ду́ши пра́ведных мы́сленно торжеству́ют, ра́дующеся./ Днесь и мы, гре́шнии, припа́дающе, мо́лимся:/ о́тче преподо́бне Авраа́мие,/ Христа́ Бо́га моли́ непреста́нно// спасти́ град и лю́ди, любе́зно тебе́ почита́ющия.
Кондак, глас 3
Возсия́, Го́споди, гра́ду Твоему́/ па́мять Твоего́ уго́дника,/ я́ко све́тлое со́лнце,/ ра́достно всех, я́ко луча́ми, озаря́ющи,/ па́че же моли́твы Пречи́стыя Твоея́ Ма́тере/ от всех бед избавля́ют нас/ и упраждня́ют ва́рварская шата́ния./ Тем мы, лю́дие Твои́ и град наш, вельми́ хва́лимся/ и спаса́емся моли́твами// Твоего́ уго́дника Авраа́мия, преподо́бнаго отца́.
преподобной Ма́рфы Дивеевской (Милюковой) (1829).
Тропарь, глас 3
Собесе́днице преподо́бнаго Серафи́ма,/ ди́вная отрокови́це и ма́ти на́ша Ма́рфо,/ равноа́нгельное житие́ стяжа́вши,/ на Небесе́х жи́тельства дости́гла еси́,// иде́же мо́лишися о спасе́нии душ на́ших.
Кондак, глас 8
Кро́тостию и смире́нием украси́вшися/ и любве́ Боже́ственныя испо́лнившися,/ ра́дость Небе́сную стяжа́ла еси́,/ отрокови́це ю́ная и ма́ти на́ша Ма́рфо,/ и, в а́нгельский о́браз от преподо́бнаго Серафи́ма обле́кшися,/ с му́дрыми де́вами в Черто́г Небе́сный всели́лася еси́,// иде́же мо́лишися о спасе́нии душ на́ших.
Молитва
О, преподо́бная и богоно́сная ма́ти Ма́рфо, Диве́евская ра́досте и похвало́, о́трасль ди́вная семе́йства пра́веднаго и плод святы́й ро́да благочести́ваго, измла́да со сро́дники твои́ми к преподо́бному Серафи́му Саро́вскому притека́вшая, за послуша́ние ему́ по благода́ти Боже́ственней всесоверше́нно уцелому́дрившаяся, сотаи́нницею его́ ста́вшая и вели́кий а́нгельский о́браз от руки́ его́ прия́вшая, в ле́тех ма́лых испо́лнила еси́ вся благопотре́бная и в Ца́рствие Небе́сное душе́ю твое́ю де́вственною взошла́ еси́, ста́рцу свято́му твоему́ уневе́щенная. Моли́ся за ны, недосто́йныя и злонра́вныя, чту́щыя с любо́вию па́мять твою́, да очи́стит Госпо́дь ны от вся́кия скве́рны душе́вныя и теле́сныя, заступи́т, спасе́т, поми́лует и сохрани́т ны Свое́ю благода́тию. Ами́нь.
Преподобного Авраа́мия трудолюбивого, Печерского, в Ближних пещерах (XII–XIII);
прмч. Рафаи́ла (Момчиловича), игумена Шишатовацкого (1941) (Серб.).
Священномученика Алекса́ндра Елоховского, пресвитера (1918);
сщмчч. Павла Ягодинского и Фео́дора Каллистова, пресвитеров (1937);
преподобномученика Игна́тия (Даланова), иеромонаха (1942).
Иконы Божией Матери: Светописанная (Светописанный образ) (1903).
Тропарь
Пречи́стому Ли́ку Твоему́ поклоня́емся, Блага́я,/ прося́ще предста́тельства о нас, Ма́ти Бо́жия,/ во́лею бо благоволи́ла еси́ яви́тися среди́ бра́тии,/ да изба́виши от печа́ли, и́хже собра́ла еси́. Тем благода́рственно вопие́м Ти:/ ра́дости исполня́еши всех, Пресвята́я Де́во,// вверя́ющих себе́ покро́ву Твоему́.
Кондак
О, неизрече́ннаго и благосе́рдаго Твоего́ смотре́ния,/ Честне́йшая Херуви́м и Сла́внейшая без сравне́ния Серафи́м!/ О́браз Твой Светоявле́нный, и самоизображе́нный/ свиде́тельство яви́ся/ Твоея́ неизрече́нныя любве́ и милосе́рдия,// почита́ем той, лобыза́юще.
