Эшҡыуар ит эшкәртеү һәм балыҡ ыҫлау буйынса цех аса

Салауат ҡалаһында Рәсәй Президенты Владимир Путиндың май указы менән раҫланған “Бәләкәй һәм урта эшҡыуарлыҡ һәм шәхси эшҡыуарлыҡ башланғысына булышлыҡ итеү” милли проекты буйынса (национальный проект “Малое и среднее предпринимательство и поддержка индивидуальной предпринимательской инициативы”) маҡсатлы эш алып барыла. 2024 йылда әүҙем һәм эшһөйәр эшҡыуар Роман Максимов Салауатта ит эшкәртеү һәм балыҡ ыҫлау буйынса «Балыҡ ите» цехын аса. Инвестиция күләме 12,8 миллион һум тәшкил иткән, ике яңы эш урыны барлыҡҡа килгән. Был идеяны Роман Максимов ике йыл элек тәҡдим иткән. Быға тиклем 8 йыл буйына эшҡыуар һәм уның командаһы һәүәҫкәр ыҫлау менән шөғөлләнгән. Колбаса цехын асыу өсөн эшҡыуарға байтаҡ көс түгергә тура киләбарҙы, бина, сертификат һәм продукцияға кәрәкле бөтә документация әҙерләнгән. Хакимиәт яғынан даими рәүештә эшҡыуар менән бәйләнеш булдырылған - консультациялар бирелгән, конкурс проекттарын төҙөүгә ярҙам күрһәтелгән. Роман Максимов - «Йыл эшҡыуары - 2023» республика конкурсында «Инновациялар һәм яңы технологиялар өлкәһендә йылдың иң яҡшы эшҡыуары» номинацияһында еңеү яулаған. Өфөлә «Иң яҡшы фермер продукты - 2024» номинацияһында «Агрокомплекс-2024» күргәҙмәһендә ҡатнашҡан һәм еңеүсе булған. Баҙарҙа һигеҙ йыл эшләү осоронда эшҡыуар Рәсәйҙең төрлө мөйөштәренә, шулай уҡ Ҡаҙағстан, Ҡырғыҙстан һәм Белорусияға 5000-дән ашыу үҙ продукцияһын һатҡан. Тәбиғи фермер итенән әҙерләнгән колбасалар Салауат ҡалаһында ла ҙур популярлыҡ яулай. Ыҫлау тәбиғи груша һәм алмағас юнысҡыһындағы бөтә технологик процестарҙы үтәп башҡарыла. Роман Максимов башҡа ҡалаларға ит һәм балыҡ продукцияһын оҙатыуҙы арттырырға ниәтләй. Билдәле булыуынса, “Бәләкәй һәм урта эшҡыуарлыҡ, шәхси эшҡыуарлыҡ башланғысына булышлыҡ итеү” (национальный проект “Малое и среднее предпринимательство и поддержка индивидуальной предпринимательской инициативы”) милли проекты Рәсәй Президенты Владимир Путиндың май указы менән булдырылды. Фото: Радий Хәбировтың бизнес менән аралашыу төркөмөнән