Эш шарттары яҡшы, хеҙмәт хаҡы лайыҡлы булырға тейеш

СӘНӘҒӘТ Беҙ шуны яҡшы күрәбеҙ: сәнәғәтте үҫтереү мәсьәләләре Башҡортостан Башлығы Радий Хәбировтың даими рәүештә көн тәртибендә тора. Ул һәр саҡ теманы тәрән аңлай, етештереү “генерал”дарын шәхсән белә, килеп тыуған мәсьәләләрҙе улар менән туранан-тура хәл итә. Бында һүҙ “Сәнәғәт сәғәттәре” һәм “Инвестиция сәғәттәре” тураһында йәки ҙур корпорациялар менән берлектәге комиссиялар хаҡында ғына бармай. Республика Башлығы проекттарҙы уларҙың тормошҡа ашырылыуының барлыҡ баҫҡыстарында оҙатып бара һәм бындай системалы эштең ыңғай һөҙөмтә бирмәүе мөмкин дә түгел. Башҡортостан иң йоғонтоло сәнғәт сәйәсәте алыр барылған төбәк икәнлеген әленән-әле раҫлап тора. Илебеҙ төбәктәре арыһанда көнәркәшлек көслө. Сәнәғәт сәйәсәте һәм уға бәле барлыҡ нәмә бөтә биләмәләр өсөн дә көнүҙәк. Санкциялар һәм баҫым шарттарында алдынғылыҡты тотоп тороуы айырыуса ҡатмарлы. Ә Башҡортостандың быға көсөнән килә. Радий ХӘБИРОВ, Башҡортостан Республикаһы Башлығы: “Беҙ үҫешкән сәнәғәт инфраструктураһы менән көслөбөҙ. Башҡортостанда 12 индустриаль һәм 19 технологик парк эшләй. Туғыҙ сәнәғәт кластеры булдырылған. Был күрһәткес буйынса беҙ Рәсәйҙә беренсе урынды алабыҙ. Беҙ Башҡортостанда предприятиеларҙы күп төҙөйбәҙ. Уларҙа эш шарттарының яҡшы һәм хеҙмәт хаҡының алйыҡлы булыуы үтә мөһим”. (Башҡортостандың Сәнәғәт, энергетика һәм инновациялар министрлығы коллегияһындағы сығышынан, 2024 йылдың 5 марты). ФЕКЕР Денис Чувилин, Рәсәй Хөкүмәте ҡарамағындағы Финанс университетының Өфө филиалының “Иҡтисад, менеджмент һәм маркетинг” кафедраһы мөдире, иҡтисад фәндәре кандидаты: “Республика күрһәткән юғары ҡаҙаныштар осраҡлы түгел, улар планлы рәүештә барған системалы эш һөҙөмтәһе итеп аңлатыла. Беҙҙең республикала һуңғы йылдарҙа сәнәғәт үҫеше темпы Рәсәй буйынса уртаса күрһәткестәрҙән байтаҡҡа юғарыраҡ. Беренсенән, төбәктең иҡтисадына үҫешкән сәнәғәт структураһы хас, икенсенән, республика етәксеһе Радий Хәбировтың башланғысы менән төп капиталға инвестиция йәлеп итеү буйынса планлы эшмәкәрлектең ыңғай сағылышы булып тора. Шуныһын иҫкә төшөрөү урынлы булыр: 2019 йылдан алып инвестиция күләме 337 миллиард һумдан 620 миллиарл һумға тиклем күтәрелде, ә сағыштырма хаҡтарҙа был осорҙағы инвестиция күләме 30 процентҡа артты. Айрат Нурмөхәмәтов фотолары.