Дүртөйлә районының Мәскәү ауылы халҡы һайлауҙың тәүге көнөнән үк әүҙем гражданлыҡ ҡарашын белдереп, тауыш биреүҙә ихлас ҡатнашҡан. Һайлауға килгән һәр кешене матур күренеш ҡаршы алған – һайлау участкаһы алды сәскәгә күмелгән. Шулай уҡ “Минең ғаиләм”, “Еңеү сәскәләре” күргәҙмәләрен ойошторғандар, матур концерт бүләк иткәндәр. Мәскәү ауыл биләмәһе башлығы Динар Хөснөтдинов ҡатыны менән тауыш бирергә барған. “Бөтә ғаилә менән барып, Башҡортостан Республикаһы Башлығын һайлауҙа тауыш биргәндә, беҙ гражданлыҡ бурысыбыҙҙы үтәп кенә ҡалманыҡ, республикабыҙҙың киләсәгенә лә өлөш индерҙек”, – ти ул. Ә инде гражданлыҡ бурысын үтәгән ир-егеттәр йыйылышып, Мәскәү ауылы эргәһендәге “Сылтырлы” шишмәһен төҙөкләндереү эштәренә тотонған. – Һыуҙы йырынға ағыҙыу өсөн өс метрлыҡ торба һалдыҡ, шишмәгә төшөү юлын баҫҡыс кеүек итеп эшләнек. Шишмә һыуын йыйыу өсөн тутыҡмай торған ҡоростан каптаж ҡоролма әҙерләгән Рәзиф Хәмит улы Фәтхлисламовҡа, Ришат Баһауетдин улы Бакиров һәм уның командаһына һәр ваҡыт ваҡыты