Шуңа күрә балалар белән юл хәрәкәте кагыйдәләрен үтәүнең мөһимлеге турында күзаллаулар формалаштыру буенча даими эш алып барырга кирәк.
Түбән Ослан балалар бакчасында «Игътибар-балалар!» акциясе кысаларында «Шат светофор» - юл хәрәкәте кагыйдәләре буенча чара узды. Балалар уен формасында юл хәрәкәте кагыйдәләре, юл билгеләре турында белемнәрен ныгыттылар. Алар җәяүле дә, пассажир да, машина йөртүчеләр дә булдылар.
Балалар уңай хис-кичерешләр, уйлану өчен файдалы мәгълүмат алдылар, бу аларга юлдагы фаҗигаләрдән сакланырга ярдәм итәчәк. Практика күрсәткәнчә, мондый чаралар балаларның белемнәрен ныгыта, шәхеснең, җаваплы гражданның һәрьяклап үсешенә бәяләп бетергесез өлеш кертә. Балаларның юл-транспорт травматизмын профилактикалау буенча балалар белән эшләүнең кулланылган формалары никадәр күптөрле булса, аларның әлеге темага карата кызыксынуын саклап калу мөмкинлеге дә шулкадәр зуррак.
Юл-транспорт травматизмын профилактикалау җәмгыятьнең мөһим проблемасы булып кала, ул бергәләп катнашу һәм иң нәтиҗәле ысуллар белән хәл итүне таләп итә.