Тауыш биреүҙә Йылайыр районының иң өлкән кешеһе – Орҡоя ҡыҙы Таһирова ла ҡатнашты. Быйыл уға 101 йәш тулған. Яҙмыш уға илдең үткән тарихи юлының ҙур осоро ваҡиғаларына шаһит булыу өсөн уникаль мөмкинлек бирә. Оҙон ғүмерле Орҡоя Таһирова бер ҡасан да һайлауҙарҙан ситтә ҡалмаған. Ул нисә һайлау компанияһында нисә тапҡыр ҡатнашҡанын хатта иҫләмәй ҙә. Быйыл һайлау комиссияһы ағзалары, райондың иң өлкән һайлаусыһына хөрмәт күрһәтеп, һөйөнә барҙы. Орҡоя Ильяс ҡыҙы әйтеүенсә, әүҙем тормош ҡарашы һәр нәмәлә булырға тейеш, бигерәк тә гражданлыҡ бурысыңды үтәгәндә. Иҫегеҙгә төшөрәбеҙ, 6, 7, 8 сентябрҙә Башҡортостанда республика Башлығын, шулай уҡ район һәм ҡала советтары депутаттарын һайлауҙар үтә. Был көндәрҙә 8.00 сәғәттән 20.00 сәғәткә тиклем республиканың ҡала һәм райондарында 3 302 һайлау участкаһы эшләйәсәк. Төбәктә барлығы 218 һайлау кампанияһы – Башҡортостан Башлығын, республика өҫтәмә һәм урындағы үҙидараның вәкәләтле органдарына депутаттар һайлау буйынса 216 кампания ойошторола. Фото сығанағы: Борис Мелкоедов #ВыбираемГлаву #Выборы2024 #Башкортостан