21 августа Башҡортостан Башлығы “Атай ҡаһарманлығы” республика конкурсы еңеүселәре менән осрашҡайны. Бөгөн Хөкүмәттең оператив кәңәшмәһендә Радий Хәбиров осрашыу барышында бик күп көнкүреш үҙенсәлектәренә ҡағылышлы һорауҙар тыуыуын билдәләне. Мәҫәлән, уға Салауат ҡалаһынан Денис Пименов исемле атай мөрәжәғәт иткән. Ул инвалид бала өсөн белешмә йыйыу һәм уларҙы хәрби комиссариатҡа биреү йәһәтенән һорау менән мөрәжәғәт итте. Ғаилә, хеҙмәт һәм халыҡты социаль яҡлау министры Ленара Иванова балалы ғаиләләргә ҡаралған льготаларға аңлатма бирҙе. – Ай һайын “Башинформ” сайтында лонгрид яңыртыла. Социаль яҡлау линияһы буйынса тейешле ярҙамдың барыһын да министрлыҡ сайтындағы калькулятор һәм навигатор ярҙамында асыҡларға, иҫәпләргә була. Бер ҡайҙа ла бармаҫ һәм бер ҡайҙа ла сиратта тормаҫ өсөн һанлы сервистар етерлек, – тип аңлатты министр. Республика дәүләт идаралығының һанлы үҫеш министры Геннадий Разумикин аңлатыуынса, ысынлап та, хәрби комиссариаттар менән проблема булған һәм октябрҙән хәрби