Ֆրանսիայի դատարանը երկարացրել է Պավել Դուրովի կալանքը

Ֆրանսիայում դատարանը երկարացրել է Telegram-ի հիմնադիր Պավել Դուրովի կալանքը, հայտնել է AFP-ն՝ վկայակոչելով հետաքննությանը մոտ կանգնած աղբյուրը։

Գործակալությունը նշել է, որ կալանքը կարող է տևել առավելագույնը 96 ժամ։ Այս ժամկետի ավարտից հետո դատավորը կարող է կա՛մ որոշել նրան ազատ արձակել, կա՛մ մեղադրանք առաջադրել։

Գործարարը ձերբակալվել էր օգոստոսի 24-ին ֆրանսիական Լե Բուրժե օդանավակայանում, ուր նա թռչել էր Ադրբեջանից։

BFM-ի տվյալներով՝ մեսենջերի հիմնադրին կարող են մեղադրանքներ առաջադրվել մի քանի հոդվածներով, այդ թվում՝ Telegram-ում մոդերացիայի բացակայության պատճառով թմրանյութերի վաճառքին մեղսակցելու, երեխաների դեմ հանցագործությունների և խարդախությունների կետերով։ Ֆրանսիայում Դուրովին կարող են մեղադրել նաև փողերի լվացման և ահաբեկչությանն աջակցելու մեջ։

Telegram-ի հիմնադիրին սպառնում է մինչև 20 տարվա ազատազրկում, Դուրովը Ֆրանսիայիքաղաքացի է 2021 թվականից, ասված է հրապարակման մեջ։

Ֆրանսիայում ՌԴ դեսպանատունը հայտարարել է, որ ֆրանսիական իշխանություններից պահանջել է ապահովել Դուրովի իրավունքների պաշտպանությունը և հյուպատոսական հասանելիություն տրամադրել:

Նորություններին հետևեք մեր կայքում, ինչպես նաև Telegram-ում և YouTube-ում