Яңы рояль Салауат ҡалаһының музыкаль мәктәбенә юлланды

Яңы инструмент ярҙамында уҡыусылар үҙҙәренең ижади һәләттәрен асасаҡ, башҡарыу оҫталығын камиллаштырасаҡ. Бынан тыш, рояль унда уйнарға өйрәнеү өсөн ҙур мөмкинлектәр аса. "Мәғариф учреждениеларына мәҙәниәт өлкәһендә бындай ярҙам саралары бик мөһим, сөнки улар мәктәптәрҙе балаларҙы сифатлы уҡытыу өсөн кәрәкле заманса ҡорамалдар һәм инструменттар менән йыһазландырырға мөмкинлек бирә. Яңы концерт ҡоралы йәш музыканттар өсөн илһам сығанағы булһын. Уның ярҙамында улар ысын музыкаль шедеврҙар ижад итә һәм беҙҙе үҙенең ҡаҙаныштары менән ҡыуандыра алыр, тип ышанабыҙ», - тип билдәләне мәктәп директоры Дилә Хафизова. Мәҙәниәт милли проектының үҙәгендә бөтә ил буйынса мәҙәни байлыҡтар һәм мәҙәни ҡиммәттәр булдырыуҙа ҡатнашыу мөмкинлектәрен арттырыу тора. Милли проекттар РФ Президенты Владимир Путин ҡарары буйынса 2019 йылдан тормошҡа ашырыла.